Ekinshi deńgeıdegi bankterdiń mobıldi qosymshalary arqyly memlekettik qyzmetterdi alý yńǵaılylyǵy – bul jeke ESQ-kiltterdi paıdalaný jáne qosymsha aqparatty engizý qajettiliginiń bolmaýy.
Pılottyq jobaǵa Kaspi Bank men Halyq banki qatysýda. Járdemaqy nemese áleýmettik tólem taǵaıyndaýdy resimdeý úshin osy bankterdiń biriniń mobıldi qosymshasynda memlekettik qyzmet kórsetý boıynsha bólimdi tabý, tıisti memlekettik qyzmetti tańdaý jáne derbes derekterdi óńdeýge kelisimdi rastaý qajet. Ótinimdi jibergennen jáne ony memlekettik organ tarapynan qaraǵannan keıin kórsetiletin qyzmetti alýshyǵa ony qaraý nátıjesi jáne taǵaıyndalǵan tólem somasy týraly PUSH-habarlama jáne SMS jiberiledi.
«Bul joba kelesi toǵyz aıda júzege asyrylady. Oń dınamıka men suranys bolǵan, sondaı-aq ekinshi deńgeıdegi bankter tehnıkalyq jaǵynan daıyn bolǵan jaǵdaıda joba pılottyq formattan qoldanystaǵy formatqa kóshiriledi dep josparlanýda. Óz kezeginde, memlekettik organdar basqa ekinshi deńgeıdegi banktermen yntymaqtasý jáne EDB mobıldi qosymshalary arqyly kórsetiletin qyzmetterdiń tizbesin keńeıtý úshin ashyq», – dep atap ótti Eńbekmıni Memlekettik qyzmetterdi taldaý jáne damytý departamentiniń dırektory Anar Tóleýbaeva.
Azamattardyń keń aýqymyna qoljetimdi memlekettik organdardyń derekqorlaryn jáne ózge de platformalardy ıntegrasıalaý boıynsha osyndaı jobalardy iske asyrý halyqty elektrondyq memlekettik qyzmettermen qamtýdy ulǵaıtýǵa múmkindik beredi, olardyń qoljetimdiligin, yńǵaılylyǵyn arttyrady jáne kórsetý ýaqytyn qysqartady.
www.gov.kz