Qazaqstan Respýblıkasyndaǵy «Bala quqyqtary týraly» zańǵa «býllıng», ıaǵnı, balany jábirleý túsinigi engiziledi.
Senat depýtattary qoldanystaǵy zańnamaǵa osyndaı ózgeris engizýdi usyndy, dep habarlaıdy Almaty-akshamy.kz 24.kz-ke silteme jasap.
"Bul shara kámeletke tolmaǵandar ortasynda zorlyq-zombylyqtyń, kemsitýdiń, qysym kórsetýdiń aldyn alýǵa kómektesedi. Zań tártibi kıberbýllıng derekterine de qatysty qoldanylady. Memleket balaǵa qatygezdikpen qaraý jáne fızıkalyq ne psıhıkalyq kúsh kórsetýden qorǵaıdy", - dep atap ótti Konstıtýsıalyq zańnama, sot júıesi jáne quqyq qorǵaý organdary komıtetiniń múshesi Lázzat Súleımen. Zań jobasy jekelegen naqtylaýlar engizý úshin Májiliske qaıta jiberildi.
«Búgin Senat depýtattary jurtshylyq alańdatý týdyryp otyrǵan, jalpy ataýmen aıtqanda, kıberbýllıng týraly zań jobasyn qarady. Depýtattar zań jobasyndaǵy kıberbýllıng dep tanylǵan aqparatty joıý týraly normaǵa naqtylaý engizdi. Bul kontent tek qana balalarǵa baılanysty bolý kerek. Mundaı jaǵdaıda ata-analar nemese zańdy ókilder ókiletti organǵa óziniń ótinishimen barýy kerek bolady. Sonymen qatar bul aqparat kıberbýllıng pe, basqa ma, ony ókilettik organ ózi sheshpeıdi. Ony tıisti mamandardan quralǵan sapartamalyq topqa sheshý usynylyp otyr», - deıdi QR Parlamenti Senatynyń depýtaty Lázzat Súleımen.