Qazaqstanda bala asyrap alý, qorǵanshylyq jáne qamqorshylyq tártibin jetildirýge baǵyttalǵan jańa zań normalary qabyldandy, - dep habarlaıdy Aqshamnews.kz.
Jańashyldyqtar boıynsha, bala asyrap alý kezinde eń aldymen balanyń týystaryna basymdyq beriledi. Eger jaqyn týystary bolmasa nemese bala tárbıesine ala almaıtyn jaǵdaıda, asyrap alý quqyǵy nekede turǵan azamattarǵa beriledi.
Qamqorshylar tizimi keńeıtiledi
Zańda qamqorshy retinde taǵaıyndalýy múmkin tulǵalar qatary da keńeıtildi. Endi patronattyq tárbıeshiler, asyrap alýshylar,kásibı patronattyq tárbıeshiler qamqorshy retinde tanylýy múmkin.
Bul rette qorǵanshylyq jáne qamqorshylyq organdary úmitker tulǵalardyń zańmen belgilengen talaptarǵa sáıkestigin mindetti túrde tekserýge tıis.
Sondaı-aq, qamqorshynyń otbasynda birge turatyn adamdarǵa qatysty qosymsha talaptar engiziledi. Bul balalardyń qaýipsizdigi men quqyǵyn qamtamasyz etý maqsatynda júzege asyrylyp otyr.
Jańa normalar jetim jáne ata-anasynyń qamqorlyǵynsyz qalǵan balalardyń múddesin qorǵaýǵa, olardyń otbasynda tárbıelenýine jaǵdaı jasaýǵa baǵyttalǵan.