Qazaqstan quramasynyń jartylaı qorǵaýshysy Baktıer Zaınýtdınov Túrkıanyń «Beshıktash» komandasy sapyndaǵy alǵashqy oıynyn ótkizip, birinshi golyn soqty, dep habarlaıdy Almaty-akshamy.kz.
Bul tarıhı sát túrkıalyq klýbtyń Konferensıa lıgasy pleı-off satysyndaǵy Ýkraınanyń «Dınamo Kıev» qarsy kezdesýinde tirkeldi.
Qazaqstandyq fýtbolshy ekinshi kezeńniń 46-mınýtynda komandalasy áriptesi Artýr Masýakýdy almastyrdy. Kongo Demokratıalyq Respýblıkasynyń fýtbolshysy birinshi kezeńde alǵan jaraqatyna baılanysty oıyndy jalǵastyra almady.
Kezdesý barysynda ol 95-mınýtta qarsylas komanda qaqpasyn dál kózdep, jeńis alyp keldi.
Kezdesýde «Beshıktash» qarsylasynan 3:2 esebimen basym tústi.
Qarymta kezdesý 31 tamyzda bolady.
Aıta ketsek, Baktıer Zaınýtdınov ystanbuldyq klýbpen osy jyldyń 18 tamyzynda kelisimshartqa qol qoıdy. Ol 2027 jyldyń 30 maýsymyna deıin jańa komandasy quramynda oıyn kórsete alady.