Qasym-Jomart Toqaev Qysqy Ýnıversıadada tabysty óner kórsetken stýdentter quramasyn quttyqtady.
Qasym-Jomart Toqaev HHHI dúnıejúzilik Qysqy Ýnıversıadada tabysty óner kórsetken Qazaqstannyń stýdentter quramasyn quttyqtady, dep habarlaıdy Aqordanyń baspasóz qyzmeti.
– Sizderdiń jarqyn jeńisterińiz kúlli jankúıer qaýymǵa zor qýanysh syılady. Dúnıejúzilik Qysqy Ýnıversıadada sizder sheberlik pen jeńiske degen erik-jigerdiń biregeı úlgisin kórsettińizder. Baıraqty básekede jastarymyz el senimin aqtap, altyn, kúmis jáne qola medaldarǵa ıe boldy. Sportshylarymyzdyń mundaı joǵary nátıjege qol jetkizýine jattyqtyrýshylarymyz eleýli úles qosty. Elimizde buqaralyq jáne balalar sportyn damytýǵa barlyq jaǵdaı jasalyp jatyr. Qurama komandamyzdyń Ýnıversıada oıyndaryndaǵy tamasha óneri myńdaǵan jasty jigerlendirip, jeńisterge bastaıtyny anyq, – dep jazylǵan quttyqtaý hatta.
Prezıdent Qazaqstannyń stýdentter qurama komandasynyń bıik belesterdi baǵyndyra berýine tilektestik bildirdi.