Atalǵan qarjy jalǵa alý kelisiminiń aıasynda bólingen.
Reseı Úkimeti ǵarysh aılaǵyn jalǵa alýǵa baılanysty Baıqońyrdyń ınfraqurylymdyq nysandaryn kútip ustaýǵa 203 mıllıon rúblden astam (3 mıllıon dollar) qarajat bóldi, dep habarlaıdy Almaty-akshamy.kz
Bul buıryq quqyqtyq aqparattyń ınternet-portalynda jarıalanǵan.
«2022 jylǵa arnalǵan jáne 2023 jáne 2024 jyldardaǵy josparly kezeńge arnalǵan federaldy búdjet týraly» Federaldyq zańnyń 21-babynyń 1-bóliginiń 8-tarmaǵyna sáıkes Reseı qarjy mınıstrligi qarastyrǵan búdjettik shyǵyndardy jikteýdiń «Ulttyq ekonomıka» bóliminiń «Ǵarysh keńistigin zertteý jáne paıdalaný» shaǵyn bólimi boıynsha Reseı Federasıasynyń «Reseıdiń ǵarysh qyzmeti» memlekettik baǵdarlamasynyń «Halyqaralyq mindettemelerdi oryndaý» prosestik sharalar kesheni aıasynda 2022 jyly Baıqońyr qalasyn jalǵa alý boıynsha Baıqońyr qalasynyń ınfraqurylymdyq nysandaryn kútip ustaýǵa dotasıa usyný úshin Reseı Qarjy mınıstrligine 203 668 myń rúbl kóleminde Reseı Qarjy mınıstrligine búdjettik qarjylandyrýdy baǵyttalsyn», - dep jazylǵan buıryq mátininde.
Baıqońyr – jaldaý shartymen jumys isteıtin Qazaqstannyń ákimshilik-aýmaqtyq birligi.
«Baıqońyr» keshenin jalǵa alý kezinde Baıqońyr qalasyna Reseı Federasıasymen qarym-qatynasta federaldyq mańyzy bar qalaǵa sáıkes keletin mártebe berilgen, nysandar, kásiporyndar men uıymdardyń qyzmeti, sondaı-aq azamattardyń tynys-tirshiligi qaýipsiz rejım aıasynda qarastyrylǵan.