2024 jyldyń osy kezeńimen salystyrǵanda ósim shamamen alty ese artqan.
2025 jyldyń eki aıynda baǵdarshamnyń tyıym salatyn sıgnalyna ótýdiń 106 myń faktisi tirkeldi, dep habarlaıdy aqshamnews.kz
Baǵdarshamnyń tyıym salatyn sıgnalyna ótý faktileri byltyrdan beri kúrt ósti. 2024 jyldyń qorytyndysy boıynsha bul kórsetkish jyldyq mánde birden úsh ese artty. Bul – sońǵy bes jyldaǵy alǵashqy osyndaı sekiris: 2020-2023 jyldary ósim jylyna 41%-dan aspaǵan. Osylaısha, byltyr qalyptasqan úrdis jalǵasyp qana qoımaı, onyń qarqyny da údeı túskenin baıqaýǵa bolady, – dep habarlady «AKB».
Baǵdarshamnyń tyıym salatyn sıgnalyna ótý jaǵdaılary negizinen eldimekenderdegi joldarǵa ornatylǵan kameralar arqyly tirkeledi. Máselen, 2024 jyly QR ÁQBtK-niń 599-baby boıynsha barlyq quqyq buzýshylyqtardyń 86%-y beınebaqylaý júıesi arqyly anyqtalǵan.
Osyǵan súıene otyryp, baıqalyp otyrǵan ósim jol qıylystaryn beınebaqylaýmen qamtý aýqymynyń keńeıýimen baılanysty bolýy múmkin dep boljaýǵa bolady. Bul gıpotezany ashyq derekkózderden alynǵan málimetter janama túrde rastaıdy: 2024 jyldyń tolyq emes kezeńinde joldardaǵy kameralar sany shamamen 3 myńǵa – 22 myńnan 25 myńǵa deıin artqan. Degenmen, naqty jumys istep turǵan kameralar sanynyń qalaı ózgergeni týraly derekter joq, – dep naqtylady sarapshylar.
Eske sala keteıik, buǵan deıin Almatyda júrgizýshi temirjol ótkelinde shlagbaým jabyq turǵanda jolǵa shyǵyp ketkeni habarlanǵan edi.