Qarjylyq monıtorıń agenttiginiń Almaty oblysy boıynsha departamenti «Eurotransit Nur Zholy» JSHS-ne qatysty sotqa deıingi tergep-tekserýdi aıaqtady, dep habarlaıdy Almaty-akshamy.kz. Qazaqparatqa silteme jasap.
Atalǵan zańdy tulǵa Qytaı Halyq Respýblıkasynyń beıtarap aýmaǵynan Qazaqstan Respýblıkasyna júk tasymaldaýshy jalǵyz operator bola tura, atalǵan qyzmetke baǵany zańsyz ósirgen.
«Atap aıtqanda, kompanıaǵa tıesili bos júk mashınalary QHR-dyń beıtarap jaǵynan taýar tıep, JSHS qoımasyna qaıta oralyp otyrǵan. Bul qyzmeti úshin baǵany, ıaǵnı bir reıske (uzaqtyǵy 3 km) zańsyz jolmen qymbattatqan. Monopolısik qyzmetten túsken tabys 4,2 mlrd teńgeni qurady», - dep jazdy vedomstvodan.
Tergep-tekserý barysynda óz kinásin moıyndaǵan JSHS basshylyǵynan memleket kirisine quny 5,3 mlrd. teńgeden asa JSHS aktıvterin (aýmaǵynda kólik-logıstıkalyq uıym ornalasqan 3,6 ga jer telimi) aýdarý týraly ótinishhat tústi.
Agenttik adal bızneske jasandy kedergiler men monopolıaǵa qarsy kúres jumystary jalǵasa beretinin málimdedi.