Shaıbaly hokeıden "Barys" - "Dınamo" Máskeý machynda Álıhan Ásetovke qatty rıza boldym. Qonaqtar sapyndaǵy Sergeı Baıkov degen qorǵaýshy tym dóreki oınady. Áýeli Dmıtrıı Gýrkov degen shabýylshymyzdy "kúsh-aıla" qoldanyp, aýrýhanaǵa jóneltti...
Mach sońynda 20-ǵa da tolmaǵan, órimdeı jas Dinmuhamed Qaıyrjandy oqys kelip, soǵyp... murttaı ushyrdy. Sol kezde oǵan Álıhan tura umtyldy.
Iá, Álıhan! Eshkimmen tóbelespeıtin. Muzaıdyn jaqtaýynda, qarsy komanda oıynshysynyń biri... ózin ańdyp kelip, ekpinmen soqqanda, qapyda jaraqat alyp qalatyn Álıhan! Tóbeleske joq qoı ol! Múlde!
Sol Álıhan álgi Baıkovty qapsyra qushaqtap alyp, tópeleı jóneldi. Shyr aınaldyryp, urdy da, biraz...
Gýrkovty soqqanda, júgirmep edi, Qaıyrjan jábir kórgende, kózin jumyp alyp, atyldy ǵoı. O, shirkin! Osy kózsiz batyrlyǵyna qalaı yrza bolmaısyń!?
Kezinde, QHL-daǵy alǵashqy oıyndaryn ótkize bastaǵanda, Talǵat Jaılaýov ta dál osy Álıhan úshin tura umtylyp, oǵan tıisken bir hokeıshiniń jaǵasyna jarmasyp edi... Beý, shirkin, shynymen de, dúnıe kezek bolady eken-aý, á?..
Búgin "Dınamo" Máskeý klýby álgi Baıkovtyń maýsym sońyna deıin qatardan shyǵyp qalǵanyn resmı túrde jarıalady. Onyń qatarǵa qosylýyna kemi 12 apta kerek eken. Ota jasatý úshin Máskeýge qaıtaryp alypty (Álıhannyń soqqysy bata tımese de, qata tıdi me, ol jaǵyn anyq bilmedim)...
Desek te, endi bári bilip júrsin! Kez kelgen qazaqtyń qoly - qatty. Tek Damır Rysbaevtyń ǵana soqqysy qýatty, judyryǵy jýan emes, "momyn" degen Álıhannnyń da soqqysy pármendi!