Talqylaýdyń negizgi taqyryby ınovasıalyq tehnologıalar salasyn damytýdyń zamanaýı jahandyq syn-qaterleri bolmaq.
Almatyda Digital Almaty 2023 sıfrlyq forýmy bastaldy, dep habarlaıdy Almaty-akshamy.kz.
Almaty qalasynyń ákimi forýmǵa qatysýshylardy quttyqtady.
«Qurmetti forýmǵa qatysýshylar! Sizderdi Digital Almaty besinshi mereıtoılyq forýmynyń ashylýymen quttyqtaımyn. Sıfrlyq transformasıa máseleleriniń ózektiligin asyra baǵalaý múmkin emes. Álem jyldam ózgerýde, keń taralǵan sıfrlandyrý osy progrestiń negizgi qozǵaltqyshtarynyń biri bolyp tabylady», – dedi Erbolat Dosaev.
Forýmnyń mazmundy kún tártibi bizdiń kóz aldymyzda bolyp jatqan tektonıkalyq ózgeristerdiń keń aýqymyn kórsetedi. Memlekettik basqarýdyń sıfrlyq transformasıasy, robottandyrý, kıberqaýipsizdik, Qarýly kúshterdi sıfrlandyrý, bilim berý júıeleri, qalalyq mobıldilik jáne «aqyldy qala» tujyrymdamalary Digital Almaty forýmynda eki kún boıy talqylanatyn taqyryptardyń bir bóligi ǵana ekenin basa aıtty.
«Biz Digital Almaty forýmynyń kóptegen qatysýshylardy jınaǵanyn kórip otyrmyz, bul oǵan sıfrlyq ındýstrıa salasyndaǵy mamandar tarapynan úlken qyzyǵýshylyqty kórsetedi. Forým progreske degen senimmen biriktirilgen pikirlesterdi jınaıtyn shyn máninde halyqaralyq alańǵa aınalǵanyn aıtý oryndy», - dedi megapolıs basshysy.
Onyń aıtýy boıynsha, Almaty Qazaqstannyń eń iri megapolısi retinde sıfrlyq transformasıalar farvaterinde senimdi túrde alǵa jyljýda. Almatyda sıfrlandyrýdyń ený deńgeıi Qazaqstandaǵy eń joǵary kórsetkishterdiń biri bolyp tabylady: búginde bizdiń qalamyzda memlekettik qyzmetterdiń 96%-y sıfrlyq formatta júrgiziledi. Bul kórsetkish únemi ósip kele jatyr.
Aıta ketý kerek, ótken jyldyń shildesinde Almaty alǵash ret Thoughtlab (Nú-Iork) álemdik jetekshi zertteý kompanıasynyń nusqasy boıynsha sıfrlyq damý strategıalarynyń ázirligi dárejesi jóninde Azıa qalalarynyń alǵashqy bestigine kirse, byltyr qyrkúıek aıynda Almaty Almaty Data Lake-biryńǵaı derekter qoımasy jobasymen IEEE Smart Cities Awards Contest halyqaralyq «aqyldy qalalar» baıqaýynyń fınalısi atanǵan.
Qalany damytý baǵdarlamasyndaǵy 7 negizgi basymdyqtyń biri «Almaty – Smart-sıtı» qurý bolyp tabylady. Osy jyldyń kúzine qaraı Sıngapýr jáne Shanhaı sıaqty megapolısterge uqsas qalanyń «sıfrlyq egizin» qurýdy bastaý josparlanýda.
«Almatynyń odan ári damýy úshin mańyzdy jobalar qalany basqarýdy jaqsartýǵa múmkindik beretin ózge de júıeli platformalyq sheshimder bolyp tabylady. Bul qalanyń Biryńǵaı derekter qoımasy, geoanalıtıkanyń biryńǵaı platformasy. Biryńǵaı beınemonıtorıng júıesi bıyl Almatynyń 80%-yn qamtıdy. Bul – eń aldymen, jaıly qalalyq orta qurý jáne qala turǵyndary men qonaqtarynyń qaýipsizdigin qamtamasyz etý. Sizderge aldaǵy kúnderi paıdaly jáne nátıjeli pikirtalastar, kezdesýler tileımin jáne Almatyda ýaqyttaryńyzdy jaqsy ótkizýlerińizge tilektespin!» - dedi qala basshysy Erbolat Dosaev.
