"Baǵanashyl" balalar úıiniń tárbıelenýshileri óz ortalyǵy aýmaǵynda turyp, Almaty qalasynda bilim alýyn jalǵastyrady. Qazirgi tańda Almaty qalasy men Almaty oblysynyń ákimdikteri nysandy qalanyń qaramaǵyna berý jumystaryn júrgizip jatyr, dep habarlaıdy Aqshamnews.kz.
"Tárbıelenýshilerge zamanaýı ári qaýipsiz jaǵdaı jasaý maqsatynda balalar úıiniń ǵımaratyna keshendi qaıta jańǵyrtý jumystary josparlanyp otyr. Aıta keterligi, bul tehnıkalyq zertteý, jobalaý-smetalyq qujattama daıyndaý, memlekettik saraptamadan ótkizip, tıisti konkýrstyq rásimderden ótkennen keıin ǵana kelesi jyly bastalady" delingen habarlamada.
Sondaı-aq, jóndeý-qalpyna keltirý jumystary kezinde balalardy ýaqytsha ornalastyrý máselesi qaýipsizdik talaptary men qajetti turmys jaǵdaıyn eskerile otyryp sheshiledi. Balalar bir-birinen bólinbeıdi.
Tárbıelenýshiler Almaty qalasyndaǵy qazir ózderi oqyp júrgen mektepte bilim alýyn jalǵastyrady. Balalar úıiniń ǵımaratynan balalardy Qonaev qalasyna kóshirý máselesi qarastyrylyp jatqan joq.
Balalardyń qaýipsizdigi men jaıly ómir súrý jaǵdaıyn qamtamasyz etý Almaty qalasy ákimdiginiń jáne Oqý-aǵartý mınıstrliginiń basty nazarynda. Balalardyń oqýy men turmys jaıy árdaıym jiti baqylaýda bolady.