Búgin Almatyda kópten kútken Backstreet Boys-tiń konserti ótedi. Álemge áıgili toptyń ánderin tyńdaýǵa qala turǵyndary men shetelden kelgen qonaqtar jınaldy, - dep habarlaıdy Aaqshamnews.kz tilshisi.
Solardyń biri – Las-Vegastan arnaıy ushyp kelgen Iýlıa Peleskaıa. Ol bıletti shildede satyp alǵan.
"Olardyń energıasy draıv beredi. Konsert kezindegi kórermendermen baılanysy, sahnadaǵy energetıka zymyran sekildi", – deıdi ol.
Jankúıerdiń aıtýynsha, súıikti áni – Incomplete.
Iýlıa Almatyǵa alǵash ret kelgen. Onyń aıtýynsha, qala áserli ári erekshe:
"Almaty - óte sulý, kolorıt qala", – deıdi ol.
Backstreet Boys Almatyda ózderiniń eń tanymal hıtterin shyrqap, tyńdarmandarǵa umytylmas kesh syılady.
Aıta keteıik, buǵan deıin Backstreet Boys-tiń konsertine baratyndar ne bilýi keregin jazǵan edik.