Álemdik pop-mýzyka tarıhynda óshpes iz qaldyrǵan amerıkalyq Backstreet Boys toby alǵash ret Almatyǵa keldi. Ánshilerdiń kópten kútken konserti qala turǵyndary men qonaqtaryna erekshe áser syılamaq. Konsert qaıda jáne qalaı ótedi? Kirý tártibi qalaı bolady? Tolyǵyraq Aqshamnews.kz materıalynda.
Qaıda jáne qashan?
Konsert 19 qyrkúıekte Ortalyq stadıonda ótedi.
Kirý ýaqyty men tártibi
- Stadıon esigi saǵat 15:00-de ashylady.
- İs-sharaǵa bıletterinde QR-kody barlar kire alady. Bir bılet bir adamǵa ǵana jaramdy.
- VIP Standing, Fan zone, Dance floor aımaqtaryna 16 jastan bastap qana kirýge ruqsat.
Ortalyq stadıonǵa qalaı jetýge bolady?
- Almaty Arenaǵa qala ortalyǵynan arnaıy avtobýs marshrýttary qarastyrylǵan.
- Jeke kólikpen kelýshilerge avtoturaq qyzmeti usynylady, biraq oryn shekteýli.
Kórermender metal izdegish ramalar men skanerler arqyly kirgiziledi.
"Abaı dańǵyly ýaqytsha jabylady, kólik keptelisiniń aldyn alý úshin arnaıy "zmeıka" túrindegi týrnıketter qoıylady. Sonymen qatar alypsatarlyq pen zańsyz aksıalarǵa qarsy kúres sharalary kúsheıtiledi, naqty algorıtm daıyn", – dedi ákimniń orynbasary Azamat Qaldybekov.
Shara aıaqtalǵan soń kórermenderge arnaıy shattldar qyzmet kórsetedi. Baǵyttar:
- Almaty Arena
- Almaty-1 temirjol vokzaly
- Raıymbek / Alataý
- Orbıta
- Halyq Arena
- Qalqaman
Aýa raıy men stıl
Boljam boıynsha, búgin jańbyr jaýýy múmkin. Uıymdastyrýshylar qolshatyrdyń ornyna sý ótkizbeıtin arnaıy kıim alýdy usyndy.
Sonymen qatar, keshtiń dress-kody 2000-jyldar stılinde bolmaq.
Kesh barysynda toptyń I Want It That Way, Everybody (Backstreet’s Back), As Long As You Love Me, Show Me The Meaning of Being Lonely, Shape of My Heart syndy ataqty hıtteri jáne sońǵy shyqqan týyndylary shyrqalmaq