Almaty qalasynyń ortalyǵynda polısıa qyzmetkerleri úsh turǵyn úı keshenindegi 71 páterden ıntımdik qyzmet kórsetiletin prıtondardy anyqtady, dep habarlaıdy Aqshamnews.kz tilshisi.
Polısıa málimetinshe, "Manhetten", "Aqbulaq" jáne "Kaýsar" turǵyn úı keshenderindegi páterler ıntımdik qyzmet kórsetý úshin paıdalanylǵan. Keıbir páterlerde tirkeýsiz jáne qujatsyz adamdar turǵan.
Tártip saqshylary páter ıelerin ákimshilik jaýapkershilikke tartqan. Sondaı-aq zańsyz áreketke qatysy bar turǵyndarǵa da shara qoldanylǵan.
Almaly aýdandyq polısıa basqarmasynyń bastyǵy Maqsat Pshan:
"Polısıa qyzmetkerleri quqyqbuzýshylyqtyń aldyn alý boıynsha kúndelikti profılaktıkalyq jumystar júrgizip keledi. Turǵyndar da óz úılerindegi qaýipsizdik pen qoǵamdyq tártipke jaýapkershilikpen qaraýǵa tıis. Zań buzýshylyqty baıqasa, beıjaı qalmaı, habarlaýyn suraımyz", - dedi.
Polısıa mundaı reıdter turaqty túrde jalǵasa beretinin atap ótti.