Baqtıar Artaev, bokstan Afıny Olımpıadasynyń chempıony:
Qazirgi tańda kóp nárseni shatastyryp jatyrmyz ǵoı. Ózimizdiń salt-dástúrimizdi umytyp jatyrmyz degen sıaqty. Ózgenikin alyp kelip kirgizip jatyrmyz. Qandaı jaǵdaı bolsa da bizdiń bolmysymyz qazaq qoı. Biz qaı kez bolmasa da qarap tursańyz, babalarymyz «árýaq» dep jaýǵa shapqan, ıa.
Kezinde babalarymyzdan kele jatqan dúnıe. Qazir mysaly sony bir kúnde aldyqta joq qylyp jiberdik. Osy úshin saqaldy jigitter sógetin shyǵar. Sókse de qalaı dese de óz oılary ózinde. Ózderi biledi. Bolǵan nárse boldy. Ony eshkim ózgerte almaıdy. Ony búgin kelip ózgertý múmkin emes. «Árýaq» dep shapqan. Ata-babalarynyń basyna baryp, syıynǵan emes, quran baǵyshtaǵan.
Men ózim Olımpıadaǵa attanar aldynda Qoja-Ahmet Iassaýıge, Baba túkti Shashty Ázizge, Qarahan, Aısha bıbige bardym. Bárin aralap, bárine quran baǵyshtadym. «Óli rıza bolmaı, tiri baıymaıdy» degen bar ǵoı. Onyń bári jaıdan jaı alynǵan nárse emes.
Keıingi ýaqytta jastarymyz sál shatasyp, buryp alyp jatyr. Salt-dástúrmen kele jatqan nárseni joǵaltpaý kerek. Quran baǵyshtap, qurbandyq shalǵanym ras. Áli de isteımin ol nárseni. Áke-shesheme quran baǵyshtap turam. Qudaıy taratyp turamyn. Múmkindigim bolsa shyt taratyp, shashyp, kómektesip turatyn jaǵdaılar bolyp turady. Árıne, ol kúnde emes. Sáti kelgen kezde. Bar nárseni joqqa shyǵarmaý kerek. Bekzat aǵam óz aldyna istedi. Men ózimniń bilgenderimdi istedim. Jaman bolǵan joqpyn. Allaǵa shúkir!
Eldiń senimin Bekzat aǵam aqtady. Men de óz deńgeıimde aqtadym. Men bizdiń sportshylardyń ol nárseni jasap jatqanyn baıqaǵam joqpyn. Sondyqtanda bizdiń sport qazir quldyrap tómen ketip qaldy. Al ózbekter qazirgi tańda osy salt-dástúrdi áli joǵaltpaǵan. Osy dástúrdi ustanýda. Sondyqtan da olardyń sporty sharyqtap jatyr.
Qazir kóbisi aıtýy múmkin ol soǵan baılanysty emes dep. Ol qazirgi júıege baılanysty dep. Men qansha degenmen oılaımyn «óli rıza bolmaı tiri baıymaıdy» demekshi. Jolyńdy ashyp tursa, násibeńdi berip tursa... Sondyqtan ol nárseni umytpaý kerek dep oılaımyn. Qazirde ol nárse bolý kerek sıaqty.
Assyltas tv-dan yqshamdalyp alyndy