Joba sheńberinde kóptegen jumys oryndary ashyldy
Eki el arasyndaǵy kelisimdi ratıfıkasıalaý jobasy Májilistiń qaraýyna usynylmaq, dep habarlaıdy Almaty-akshamy.kz Elorda.info-ǵa silteme jasap.
2023 jyly 2 jeltoqsanda Qazaqstan men Birikken Arab Ámirlikteri taraptary jasaǵan Qazaqstanda jalpy qýaty 1 GVt bolatyn jel elektr stansıasyn salý týraly kelisim qaǵazǵa tústi. Qujat jobasy Májilistiń qaraýynan keıin el prezıdentiniń qol qoıýyna usynylady.
Qujatta jobany júzege asyrýǵa qatysty buryn belgili bolmaǵan birqatar málimetter keltirilgen.
Máselen, joba sheńberinde 200-ge deıin turaqty jumys orny jáne 1600-ge deıin ýaqytsha jumys orny qurylatyny belgili boldy.
Jobany júzege asyrýǵa shamamen 1,5 mıllıard dollar ınvestısıa tartylatyn bolsa, qosymsha 3500 mlrd kVtsaǵ jasyl energıa óndiriledi. Jańa jel parki Jambyl oblysynda salynady.
«Jobany iske asyrý JEK sektoryn damytýdy jalǵastyrýǵa, 2030 jylǵa qaraı – 15 paıyzǵa qol jetkizýdi kózdeıtin JEK damýynyń qabyldanǵan naqty nysanaly ındıkatorlaryna qol jetkizýge, sondaı-aq jyl saıynǵy kómirqyshqyl gazynyń (S02) shyǵaryndylaryn qysqartýǵa múmkindik beredi», – delingen úkimet basshysy Álıhan Smaıylovtyń túsindirme jazbasynda.