Almaty oblysy aýqymdy ınvestısıalyq jobanyń alańyna aınalýy múmkin: álemdegi qant ındýstrıasynyń kóshbasshylarynyń biri — Birikken Arab Ámirlikteriniń Al Khaleej Sugar kompanıasy Qonaev qalasyna jaqyn jerde qant zaýytyn salý múmkindigin qarastyrýda.
Bul týraly aqshamnews.kz Aýyl sharýashylyǵy mınıstrligine silteme jasap.
Yntymaqtastyq perspektıvalary Almaty oblysynyń ákimi Marat Sultanǵazıev pen kompanıanyń basqarýshy dırektory sheıh Djamal Ál Ǵýraır arasyndaǵy kezdesýde talqylandy. Taraptar negizgi máselelerdi — jer ýchaskesin tańdaý, qant qyzylshasyna arnalǵan egis alqaptaryn uıymdastyrý, sý resýrstaryna qol jetkizý jáne zaýytty energıamen qamtamasyz etý jaıyn talqylady.
Qazirgi tańda jobany júzege asyrý úshin eń qolaıly oryn retinde Qonaev qalasyna jaqyn ornalasqan aýmaq logıstıkalyq yńǵaılylyǵynyń arqasynda tańdalyp otyr.
«Biz qaıta jańartylatyn energıa kózderin paıdalana otyryp, tolyqtaı avtonomdy kásiporyn qurǵymyz keledi. Bul qorshaǵan ortaǵa áserdi barynsha azaıtýǵa múmkindik beredi», — dep atap ótti sheıh Djamal Ál Ǵýraır.
Al Khaleej Sugar — álemdegi eń iri avtonomdy qant zaýyty, jahandyq tazartylǵan qant naryǵynyń shamamen 3%-yn qamtamasyz etedi. Kompanıa óndiristen bastap qurylys pen jyljymaıtyn múlikke deıingi túrli salalarda tabysty jobalarymen tanymal.