27 jyldaǵy jaýyn-shashynnyń eń kóp mólsheri túsken
Birikken Arab Ámirlikterinde sońǵy eki kúnde tolassyz jaýǵan jańbyr nátıjesinde 27 jyldaǵy jaýyn-shashynnyń eń kóp mólsheri túsken, dep habarlaıdy Almaty-akshamy.kz QazAqparatqa silteme jasap.
Khaleej Times basylymynyń málimetinshe, ulttyq meteorologıa ortalyǵynyń málimetinshe, nóser men jańbyr el tarıhyndaǵy eń úlken sý tasqynyna ákeldi. Beısenbide Fýdjeıra port stansıasynda 255,2 mm jaýyn-shashyn tirkelgen, bul shilde aıynda BAÁ úshin eń joǵary kórsetkish.
Jaýyn-shashynnyń mólsheri boıynsha ekinshi kórsetkish - 209,7 mm BAÁ-niń soltústik-shyǵysyndaǵy Ras-Al-Haıma ámirliginde ornalasqan Masafı qalasynda tirkeldi.
Úshinshisi - Fýdjeıra áýejaıynda jaýyn-shashyn mólsheri 187,9 mm-ge jetti. Fýdjeıra polısıasy sý tasqyny saldarynan zardap shekkender týraly eshqandaı habarlama túspegenin, tek ǵımarattar men kólikterge zıan kelgenin habarlady.
BAÁ vıse-prezıdenti sheıh Muhammed bın Rashıd Dýbaıdaǵy qutqarý toptaryna Fýdjeıra Ámirliginde, sondaı-aq qatty jańbyrdan zardap shekken eldiń shyǵys aımaqtarynda qutqarý jumystaryna kómek kórsetýdi tapsyrdy.
El Úkimeti beısenbi men jumada qashyqtan jumys isteýge kóshý týraly jarlyq shyǵardy.