Almatyda aty berilgen dańǵylda qazaq halqynyń uly aǵartýshysy, jazýshy, etnograf, qoǵam qaıratkeri Y. Altynsarınge eskertkish qoıyldy.
Ómirin balalardy oqytýǵa arnaǵan aǵartýshy, pedagogtiń 180 jyldyǵynda Y.Altynsarınniń eskertkishi saltanatty túrde ashyldy, dep habarlaıdy Almaty-akshamy.kz
Saltanatty sharaǵa Almaty qalasynyń ákimi Baqytjan Saǵyntaev, Qazaqstan Jazýshylar odaǵynyń tóraǵasy Ulyqbek Esdáýlet, Ulttyq Ǵylym akademıasynyń prezıdenti Murat Jurynov, zıaly qaýym ókilderi men qoǵam qaıratkerleri qatysty.
İs-shara barysynda qala ákimi B. Saǵyntaev Ybyraı Altynsarınniń murasy tek bir halyq pen etnos úshin ǵana emes, búkil adamzat úshin asa qundy ekenin atap ótti.
B. Saǵyntaev bilim berý salasynyń qala men memleketti damytýdaǵy mańyzyn atap ótti. Sondyqtan Almatyda muǵalimderdi qoldaý, jańa mektepter salý jáne oqý prosesine ınovasıalyq ıdeıalardy engizý boıynsha barlyq sharalar qabyldanýda.
Qola men granıtten jasalǵan alty metrlik eskertkishtiń avtorlary - Danıar Sarbasov, Álimjan Toqbaev, Dýlat Úsenbaev jáne Qanat Begýlıev.