Almaty ákimi Baqytjan Saǵyntaev jumys sapary kezinde avtojol jolaıryqtary qurylysynyń qarqynymen jáne magıstraldy kóshelerdi uzartýmen tanysty
«Áýejaı aınalymynda» tórt jáne alty jolaqty qozǵalysy bar úsh deńgeıli jolaıryǵynyń qurylysy júrýde, dep habarlaıdy Almaty-akshamy.kz
Búginde Qulja traktisi boıyndaǵy uzyndyǵy 784 m. bolatyn eki estakadanyń biriniń qurylysy aıaqtalýda. Qarasha aıynda onyń boıymen kólik qozǵalysyn ashý josparlanýda.
Buqtyrma kóshesi boıynda 570 metrlik týneldik ótkel salynýda. Jer deńgeıimen barlyq oń jaqty sıezer, sondaı-aq «Alataý» shaǵynaýdany baǵyty boıynsha jolǵa shyǵý qarastyrylǵan. Jolaıryǵy kólik aǵyndarynyń qıylysýyn boldyrmaýǵa múmkindik beredi.
Qulja traktisi boıyndaǵy jolaıryǵynyń kólik ótkizý qabileti 15%-ǵa artady. Buqtyrma kóshesi boıynda – 30%. Túrksib aýdany men Almaty oblysynyń qala mańyndaǵy eldi mekenderiniń 350 myńǵa jýyq turǵynynyń mobıldiligi artady.
B. Saǵyntaev sondaı-aq Rysqulov dańǵyly men Emsov kóshesiniń boıyndaǵy kópirden turatyn barlyq baǵyttaǵy jol aıryǵynyń qurylys qarqynyn baǵalady. Estakadanyń uzyndyǵy – 186 metr. Jekelegen búıirli sıezer boıynsha qozǵalys ashyq. Estakada qurylysyn keshiktirgen sońǵy 2 ýchaske alynyp tastaldy. Sonyń arqasynda qurylys qarqyny artty. Nysannyń daıyndyǵy – 80%.
Kólik aıryǵy Rysqulov dańǵylynda kólik ótkizý qabiletin táýligine 80 myń avtomobılge deıin, Emsov kóshesindegi ótkizý qabiletin 40 myńǵa deıin arttyrýǵa múmkindik beredi.
Budan ózge, Almaty ákimi Abaı dańǵylyn úńgileýdiń barysymen tanysty. Momyshuly kóshesinen Naýryzbaı aýdanynyń ákimshilik ortalyǵyna deıin uzyndyǵy 3,5 km ýchaske qurylysy júrip jatyr. Ár baǵytta qozǵalys úshin 3 jolaq, Áshimov kóshesiniń ústinen 400 metrlik estakada, trotýarlar men velosıped joldaryn salý qarastyrylǵan.
Nysannyń daıyndyǵy shamamen 85%-dy quraıdy. Metropolıten jelisiniń ústindegi 600 metrlik ýchaske aıaqtalǵannan keıin jyl sońyna qaraı jańarǵan dańǵyl boıynsha kólik qozǵalysyn ashý josparlanýda.
Naýryzbaı aýdany "Taýsamaly" shaǵynaýdanyndaǵy Qonaev kóshesin rekonstrýksıalaý aıaqtalýda. Uzyndyǵy 1,2 shaqyrymdyq joldy 2-den 4 jolaqqa deıin keńeıtedi, munda trotýarlar, velojoldar men aryq jelisi bolady. Daıyndyq – 90%. Asfálttyń joǵarǵy qabatyn tóseý jumystary júrýde. B.Saǵyntaev jumysty aǵymdaǵy aıdyń sońyna deıin aıaqtaýdy tapsyrdy. Qarasha aıynda abattandyrý úshin aǵash kóshetteri otyrǵyzylady.
