Almaty qalasynyń tynys-tirshiligin qalpyna keltirý jónindegi qalalyq shtab otyrysynda qala ákimi qalada bolǵan munara krany bar tótenshe jaǵdaı taqyrybyn qozǵap, jaýapty organdarǵa tıisti tapsyrmalar berdi dep habarlaıdy almaty-akshamy.kz
Eske salsaq, 23 qańtarda Almatydaǵy Taýgúl shaǵyn aýdanyndaǵy qurylys alańynda munara krany qulaǵan bolatyn. Tótenshe jaǵdaı saldarynan 49 jastaǵy kranshy ómirine qaýip keltirgen jaraqat alyp, jedel járdem kelgenge deıin qaıtys boldy.
Almaty ákiminiń orynbasary M. Ázirbaev aldyn ala derekter boıynsha tótenshe jaǵdaı kran qurylymynyń tozýyna baılanysty bolǵanyn habarlady.
«Bul tergeý jáne tehnıkalyq jaǵdaıdy tekserý barysynda anyqtalady», - dedi ol.
TJM ónerkásiptik qaýipsizdik komıteti departamentiniń málimetinshe, qalanyń qurylys alańdarynda tıisti ruqsat alǵan 114 munara krandary bar.
Almaty ákimi osyndaı tótenshe jaǵdaıdyń qaıtalanýyna jol bermeý úshin barlyq munara krandarynyń tehnıkalyq jaǵdaıyn tekserýdi tapsyrdy.