Saýda kásiporyndarynyń tikeleı taýar ótkizýi 935,8 mlrd teńgeni quraǵan.
Bir jyl burynǵy derekpen salystyrsaq, onda bıylǵy kórsetkish 7,6%-ǵa kóp bolyp shyǵady. Bıylǵy jyldyń alǵashqy aıynda qazaqstandyqtar saýda oryndarynda 1,17 trıllıon teńge jumsaǵan. Bul ótken jyldyń qańtar aıymen salystyrǵanda 3,7 paıyzǵa kóp. Bul derek ashyq túrde ıaǵnı túbirtegimen jasalǵan saýdadan alynǵan. Bul týraly HODL telegram kanaly jazdy, dep habarlaıdy almaty-akshamy.kz.
Bólshek saýdanyń jalpy kólemindegi azyq-túlik taýarlarynyń úlesi – 26,8%, azyq-túlik emes taýarlar – 73,2%. Satýdyń eń úlken ósimi janar-jaǵarmaı materıaldaryn, avtomobılderdi, kosmetıka men gıgıenalyq taýarlardy, farmasevtıkalyq ónimderdi, kıimderdi, saǵattar men zergerlik buıymdardy, avtomobıl bólshekterin jáne bylǵary buıymdaryn satýshylar arasynda baıqalǵan.
Al óńirler boıynsha esepteıtin bolsaq, eń kóp aqshany almatylyqtar – 31,5%, astanalyqtar – 12,4% jumsaǵan. Úshtikke qaraǵandylyqtar (8,3%) ense, Shyǵys Qazaqstan oblysynyń turǵyndary (6,1%) tórtinshi orynǵa jaıǵasqan.
Osy jyldyń 1 aqpanyndaǵy jaǵdaı boıynsha bólshek saýda kásiporyndarynyń taýarlyq-materıaldyq qorlarynyń kólemi aqshamen 1,59 trıllıon teńgeni, al saýda kúnderi – 78 kúndi quraıdy.