Saıasattanýshynyń pikirinshe, jumysqa halyqtyń ózi de jumylýy tıis.
Qazaqstannyń belgili saıasattanýshysy Ázimbaı Ǵalı memleket Prezıdenti Qasym-Jomart Toqaevtyń Úkimettiń keńeıtilgen otyrysy barysynda kótergen máselelerge qatysty óz pikirin bildirdi, dep habarlaıdy Almaty-akshamy.kz Almaty.tv silteme jasap.
Naryqtyq reformanyń nátıjesinde ekonomıka damydy. Biraq munyń arty áleýmettik taptar men toptar, jańa dáýletti adamdardyń paıda bolýyna alyp keldi deıdi Ázimbaı Ǵalı. Endigi kezekte osy ekonomıkalyq qarqyndy saqtap, halyqtyń ómir súrý sapasyn tym júdetpeý ári saıası quqyqtyq reforma jasaý kerek. Bul dıllemany sheshý ońaıǵa túspeıdi, sondyqtan jumysqa halyqtyń ózi de jumylýy tıis, deıdi saıasattanýshy.
«Áleýmettik-ekonomıkalyq reforma jasaldy. Endi saıası quqyqtyq reforma jasaý kerek, ıaǵnı bar jetistikterdi zańdastyrý. Halyq bul úrdisterge moıynsunýy kerek, sonan keıin jiger-kúshin qosyp, álemdik úrdis bolǵannan keıin, ozyq elder sıaqty tirshiligin jasaý kerek», – dedi saıasattanýshy Ázimbaı Ǵalı.