Sanaýly sátter buryn Hanchjoýda ótip jatqan HİH jazǵy Azıa oıyndarynda bessaıystan synǵa túsken Georgıı Boroda-Dýdochkın Parıj Olımpıadasynyń joldamasyn ıelendi, dep habarlaıdy QR Týrızm jáne sport mınıstrligi Sportty damytý dıreksıasynyń baspasóz qyzmeti.
Ulttyq qurama atleti fınalda 10-orynǵa turaqtady. Ereje boıynsha úzdik bestikke kirgen memleket joldamaǵa ıelik etedi. Georgıı 10-shy bolǵanymen ol Japonıa, Ońtústik Koreıa men Qytaıdyń birneshe sportshysyna ese jiberdi. Bul elden tek bir ǵana adam lısenzıa aldy. Taǵy Qazaqstan men Taıland atletine bir-bir joldama berildi.
Qalǵan qazaqstandyq sportshylardyń nátıjesi: Kırıll Stadnık 13-oryn, Pavel Láshenko 16-oryn, Temirlan Abdraımov 17-oryn. Jalpy esepte Qazaqstan quramasy 4-satyda.