Balýandarymyz 1 kúmis, 3 qola medal aldy
Astana qalasynda ótip jatqan grek-rım kúresinen eresekter arasynda Azıa chempıonaty alǵashqy jarys kúninen keıin jalpykomandalyq esepte Qazaqstan úshinshi orynda keledi, dep habarlaıdy Almaty-akshamy.kz QazAqparatqa silteme jasap.
Qurlyqtyq dodanyń alǵashqy jarys kúninde qazaqstandyq balýandar 1 kúmis, 3 qola medal aldy.
El quramasynan Nursultan Tursynov (87 keli) qurlyqtyq dodada kúmis júldeger boldy.
Al Amanǵalı Bekbolatov (55 keli) pen Muhamedáli Mamyrbek (63 keli), Álimhan Syzdyqov (130 keli) qola júlde aldy.
Al Demeý Jadyraev (77 keli) 3-oryn úshin saıysta qarsylasyna ese jiberip, júldesiz qaldy.
Jalpykomandalyq esepte 4 altyn, 1 kúmis júlde jeńip alǵan Iran quramasy kósh basynda keledi.
Odan keıin orynǵa 1 altyn, 1 qolamen Qyrǵyzstan jaıǵasty.
Erteń, 10 sáýirde grek-rım kúresinen qalǵan salmaqtarda júldeler sarapqa salynady.
El quramasynan Ernur Fıdahmetov (60 keli), Almat Kebispaev (67 keli), Ibragım Magomedov (72 keli), Dıas Qalen (82 keli), Oljas Syrlybaı (97 keli) bozkilemge shyǵady.
Sondaı-aq, 11-12 sáýirde áıelder, 13-14 cáýirde erkin kúresten saıystar ótkiziledi.