Ázerbaıjandyq tanymal saıahatshy-blogerler Orhan Aslanov, Seımýr Alıev jáne Aıaz Kara Almaty men «Shymbulaq» taý-shańǵy kýrortyna bardy. Sheteldik ınflúenserlerdiń megapolıstiń taý bókterindegi demalys oryndaryna qyzyǵýshylyq tanytýy qalanyń qysqy jáne belsendi týrızm baǵyty retindegi tartymdylyǵy artyp kele jatqanyn ańǵartady. Bul týraly Almaty qalasynyń Týrızm basqarmasynyń ókilderi habarlady.
Sapar barysynda qonaqtar Shymbulaqtyń ınfraqurylymymen tanysyp, shańǵyshylar men snoýbordshylarǵa arnalǵan túrli deńgeıdegi trassalardy, sondaı-aq taý kórinisteri men qala panoramasynyń erekshe úılesimin joǵary baǵalady.
Almatyǵa buǵan deıin de birneshe ret kelgen Orhan Aslanov bul jolǵy saparynyń da áserge toly bolǵanyn aıtty. Ásirese, Shymbulaqtaǵy túngi syrǵanaý erekshe áser syılaǵan.
«Teńiz deńgeıinen shamamen 3200 metr bıiktikten túngi qala aıasynda tómen syrǵanaýdy sózben jetkizý qıyn. Muny mindetti túrde sezinip kórý kerek», – dedi bloger.
Seımýr Alıev óz kezeginde Ázirbaıjan men Qazaqstan arasyndaǵy týrızmniń tájirıbe almasýdyń áleýeti joǵary ekenin atap ótti.
«Almaty mádenıetimen, qonaqjaılyǵymen jáne taý-shańǵy kýrorttarynyń qalaǵa jaqyn ornalasýymen tartymdy. Bul demalysty jaıly ári mazmundy etedi», – dedi ol.
Aıaz Kara Qazaqstanǵa alǵash ret kelgenin aıtty. Oǵan ásirese Shymbulaqtaǵy túngi syrǵanaý erekshe áser qaldyrǵan.
«Munda shynaıy qonaqjaılyq pen dostyq kóńil aıqyn seziledi», – dedi bloger.
«Blogerlerdiń áleýmettik jelilerdegi jarıalanymdary Almatynyń halyqaralyq týrısik keńistiktegi ımıjin nyǵaıtyp, qysqy, taý jáne belsendi demalys baǵyty retinde odan ári tanylýyna yqpal etedi», - dedi qalalyq Týrızm basqarmasynyń ókilderi.