İshki ister mınıstrligi azamattarǵa qarsy kúsh qoldanýdyń árbir faktisin muqıat tekseredi. Bul týraly vedomstvonyń resmı ókili Nurdildá Oraz málimdedi, dep habarlaıdy Almaty-akshamy.kz QazAqparatqa silteme jasap.
«İİM azamattarǵa qatysty kúsh qoldaný faktilerine basa den qoıady. Árbir fakt polısıa ǵımarattarynda jáne qoǵamdyq oryndarda ornatylǵan beınekameralardy taldaý arqyly muqıat zertteledi», - dedi ol mınıstrliktiń aqparat alańynda ótken brıfıńide.
«Qańtar aıynda bolǵan jappaı tártipsizdikter kezinde polısıa kúshteri men áskerı qyzmetshiler elde quqyqtyq tártipti ornatý boıynsha aýqymdy operasıalar júrgizdi. Tergeý ızolátorynyń ishki tártip qaǵıdalaryna sáıkes, ýaqytsha ustaý ızolátoryna túsken barlyq adamdar COVID-19 vırýsyna PTR-testeriniń teris nátıjesimen qabyldanady jáne mindetti túrde medısınalyq tekserýden ótedi. Dene jaraqattary nemese aýrýlary anyqtalǵan kezde, olarǵa dereý medısınalyq kómek kórsetilýde. Árbir osyndaı fakt týraly prokýratýra organdaryna habarlanady. Mekemede bilikti medısınalyq kómek kórsetý bolmaǵan jaǵdaıda, olar azamattyq densaýlyq saqtaý uıymdaryna jetkizilip, kúzetiletin palatalarda emdeledi. Búginde osyndaı tártippen 23 adam em alýda», - dedi Nurdildá Oraz.