Elimiz sıfrlandyrý boıynsha ozyq memleketter qatarynda.
Azamattarǵa elektrondy qyzmet kórsetý deńgeıi boıynsha Qazaqstan álemde15-orynda, al e-Goverment boıynsha 28-orynda tur. Mundaı derekter BUU monıtorıńi nátıjesinde belgili boldy, dep habarlaıdy Almaty-akshamy.kz.
Elektrondyq úkimetti damytý reıtıńine 193 memleket engen. Ol tizimde Qazaqstan 28-orynǵa taban tiredi.
Alǵashqy ondyqqa Danıa, Fınlándıa, Koreıa, Jańa Zelandıa, Islandıa, Shvesıa, Avstralıa, Estonıa, Nıderlandy jáne AQSH sıaqty elder kirdi.
EGDI (E-Government Development Index) Elektrondyq úkimetti damytý ındeksi - onlaın qyzmetterdi usyný, telekomýnıkasıa jáne adam áleýeti sıaqty mańyzdy tarmaqtardan turady.
Sondaı-aq ındeks - ınfraqurylym jáne bilim deńgeıine qoljetimdilik sıpattamalaryn qamtyp, halyqtyń aqparattyq tehnologıalardy qalaı paıdalanatynyn taldaıdy.
EPI (E-Participation Index, EPI) ındeksi, EGDI-di tolyqtyrady. Bul azamattardyń suraýy bar nemese suraýsyz ashyq aqparatqa qoljetimdiligin kórsetedi. Bul ındeks boıynsha Qazaqstan 15-oryndy ıelendi.
Bul kórsetkishterge memlekettik qyzmetti elektrondy formatta alý, mobıldi qosymshalar men onlaın tólemder áser etedi.
Aıta keteıik, 14 qazanda Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın memlekettik qyzmet kórsetý máselesi boıynsha keńes ótkizgen bolatyn, onda memlekettik qyzmetterdi QR arqyly alý máselesi qaralǵan edi.