Bul týraly TJM Azamattyq qorǵanys komıtetiniń tóraǵasy, polkovnık Baýyrjan Syzdyqov málimdedi, dep habarlady Almaty-akshamy.kz BAQ.KZ-ke silteme jasap.
Sońǵy ýaqytta smartfondarǵa júktelgen mobıldi qosymshalar halyq arasynda keńinen qoldanylady. Sonyń ishinde ártúrli salalar boıynsha anyqtamalyq aqparat alý jáne onlaın oqytý úshin paıdalanady. TJM osy zamanaýı úrdisti eskere otyryp, óz jumysynda mobıldi qosymshalardy belsendi qoldanýda, olardyń biri – «Darmen» qosymshasy, – dedi Syzdyqov OKQ-da ótken brıfıńte.
Syzdyqovtyń atap ótýinshe, azamattar bul qosymsha arqyly trassalardyń jabylýy/ashylýy, oqý oryndaryndaǵy sabaqtardyń toqtatylýy, t.b eskertýlerdi aldyn ala bile alady.
«Darmen» qosymshasyna «Azamattyq qorǵanys» qosymshasy biriktirilgen, ol sizge qaýipsiz júrip-turý, azamattyq qorǵanysty uıymdastyrý jáne júrgizý erejelerimen túsinikti jadynamalar men nusqaýlar túrinde tanysýǵa múmkindik beredi.