Jeńildetilgen avtonesıe: avtosalondardyń aldyn ala tólem talap etýi zańdy ma?
Suraqqa Indýstrıa jáne ınfraqurylymdyq damý mınıstri Qaıyrbek Óskenbaev jaýap berdi, dep habarlaıdy Almaty-akshamy.kz Elorda.info saıtyna silteme jasap.
Senat otyrysynan keıin jýrnalıser mınıstrden avtosalondardyń keıde kólik qunynyń 30%-na deıin aldyn ala tólem talap etýi qanshalyqty zańdy ekenin surady.
«Siz aıtyp otyrǵan máseleni men de estidim. Mundaı ózgeristerdi avtosalondar jasap jatyr deıdi. Qazir bul máseleni quzyrly memlekettik organdarmen talqylap jatyrmyz.
Ol suraqqa resmı túrde jaýap beremiz», - dedi Qaıyrbek Óskenbaev.
Aıta keteıik, jeńildetilgen nesıe berýdiń qoldanystaǵy erejelerine sáıkes, avtokólikti satyp alýshy birinshi kezekte avtosalonmen kelisimge qol qoıýy kerek.
Tek nesıe somasy avtokólik qunynan az bolǵan jaǵdaıda ǵana jáne tikeleı avtokólikti satyp alý kezinde ǵana aldyn ala tólem júrgiziledi.