Tórt paıyzdyq avtonesıe ótinimin qabyldaýǵa arnalǵan autonesie.kz saıtyna bir mınýtta 125 myń adam kirgen. «Ónerkásipti damytý qorynyń» baspasóz qyzmeti osyndaı málimet taratty, dep habarlaıdy Almaty-akshamy.kz. QazAqparatqa silteme jasap.
«Platforma iske qosylǵan alǵashqy mınýttyń ishinde autonesie.kz saıtyna 125 myń adam kirdi», - dep jazylǵan málimette.
Buǵan deıin jeńildetilgen avtonesıege ótingim qabyldaýdyń alǵashqy leginde 761 adam ótinish bere alatyny aıtylǵan bolatyn.
«761 qazaqstandyq óz ótinimderin platforma jumysyn bastaǵan alǵashqy 18 sekýndtyń ishinde berip úlgerdi. Ótinim qabyldaý saǵat 10.00-de bastalsa, alǵashqy mınýttyń shishinde 125 myń adam kirdi», - delingen baspasóz habarlamada.
«Autonesie.kz júktemeni eńserip, ótinimder pýlynyń qalyptasýyn qamtamasyz etti. Lımıtke jetkennen keıin ótinimderdi qabyldaý avtomatty túrde aıaqtalyp, «ótinish berý» fýnksıasy toqtatyldy.
Ótinish berý prosesinde keıbir paıdalanýshylar avtomobıl óndirýshisin tańdaı almaı jatty. Bul sonymen qatar ótinim lımıtine qol jetkizýmen baılanysty», - dep jazylǵan resmı málimette.