Halyqaralyq tasymaldaýshylar shaǵymy.
«QazATO» Qazaqstan Respýblıkasynyń Halyqaralyq avtomobıl tasymaldaýshylar odaǵy elimizdiń halyqaralyq baǵyttarynda júk tasymaldaýshy kompanıalardyń osy saladaǵy sheteldik áriptesteriniń saldarynan kórip otyrǵan qıyndyqtary týraly jýrnalıserge arnap ótkizgen baspasóz konferensıasynda aıtty, dep habarlaıdy Almaty-akshamy.kz
«QazATO» Qazaqstan Respýblıkasynyń Halyqaralyq avtomobıl tasymaldaýshylar odaǵy qazirgi tańda Qazaqstan Respýblıkasynda qazaqstandyq avtokólikpen júk tasymaldaıtyn belarýsıalyq júrgizýshilerdiń kóbeıip ketkenin málimdep otyr. Odaq basshysy Mahsat Saqtaǵanovtyń aıtýynsha, elimizge Belarýssıadan keletin júk kólikteriniń zańǵa qaıshy áreketteri men jemqorlyq sqemalary aıqyndalyp otyr.
Olar búginde bul salada da barmaq bastylyq pen kóz qystylyq qalmaı kele jatqanyn aıtýda. Sebebi saladaǵy zań talaptarynyń saqtalmaýynan, sheteldik jumys kúshiniń kóptep aǵylýynan otandyq júk tasymaldaýshylar búginde jumystan qaǵylyp, sheteldik kompanıalarǵa oryn berip, naryqtan yǵysýǵa májbúr bolyp otyrmyz deıdi.
Júrgizýshilerdiń eńbegi men pen tynyǵýyn úıymdastyrý, sondaı-aq tahograftardy qoldaný qaǵıdalaryna sáıkes, halyqaralyq júk tasymalyn jasaıtyn barlyq júk kólikteri tahografpen jabdyqtalýy tıis.
Jalpy halyqaralyq tasymaldardy júzege asyrý úshin júrgizýshilerge qajet qujattardyń negizgileri kelesideı:
Júrgizýshiniń tólqujaty, júrgizýshiniń halyqaralyq júrgizý kýáligi, júrgizýshi kartasy, taýar-júk qujaty, júk jóneltýshiniń syrtqy nomenklatýrasy kórsetilgen júkke arnalǵan júk qujattary, sheteldik ruqsat blanki, ATS tehnıkalyq pasport.
Júrgizýshiniń jeke basyn aıqyndaý úshin jáne onyń jumys ýaqyty men demalǵan kezi týraly málimetti saqtaıtyn júrgizýshi kartochkasy beriledi. Sondaı-aq, júrgizýshi kartochkasy Qazaqstan Respýblıkasynyń azamattaryna, Qazaqstan Respýblıkasynyń aýmaǵynda bir kúntizbelik jylda 185 kúnnen kem emes ómir súretin jáne QR ýaqytsha nemese turaqty turýǵa ruqsaty bar shetel azamattaryna nemese azamattyǵy joq tulǵalarǵa ǵana beriledi.
Alaıda, qazirgi sátte Qazaqstan kólik kompanıalarynda jumys isteıtin Belarýs júrgizýshileri osy júrgizýshi kartochkasynsyz-aq emin-erkin kólik aıdap júr. Bul Halyqaralyq kólik tasymalyn jasaıtyn transport ekıpajdarynyń jumysyna qatysty 1970 jylǵy Eýropalyq kelisimdi buzý bolyp sanalady. Bul kelisim Qazaqstan Respýblıkasynyń prezıdentiniń 1995 jyldyń 12 mamyryndaǵy №2272-Jarlyǵymen ratıfıkasıalanǵan.
Iaǵnı, jalǵan qujatpen júrý faktileri bul salada da tyıylmaı tur. Sala mamandarynyń halyqaralyq kólik tasymalyn jasaý barysynda, «Qazaqstan-Qytaı», «Qytaı-Qazaqstan», «Qazaqstan-Reseı» jáne «Reseı-Qazaqstan» baǵyttaryndaǵy memlekettik shekaradaǵy ótkizý pýnktterinde Belarýs pen Reseı júrgizýshileri «jalǵan qujattardy» ıaǵnı Qazaqstan azamattarynyń kartalaryn kórsetip júr.
«QazATO» Halyqaralyq avtomobıl tasymaldaýshylar odaǵy Memlekettik quzyrly organ ókilderi nege buǵan kóz juma qaraıdy degen janaıqaılaryn aıtyp otyr.
«Júrgizýshilerdiń jumys ýaqyty men demalǵan kezin úılestirý jónindegi Ereje talaptaryn oryndaýǵa degen baqylaýdy kúsheıtý maqsatynda, Qazaqstan Respýblıkasynyń halyqaralyq avtomobıl tasymaldaýshylarynyń odaǵy jaǵdaıdy rettep, bul júrgizýshiler men olardyń jumys berýshilerin jaýapqa tartýdy suraıdy. Iaǵnı, otandyq halyqaralyq kólik tasymaly kompanıalaryn Qazaqstan Respýblıkasynyń 2014 jyldyń 5 shildesinde qabyldanǵan №235-V ZRK «Ákimshilik quqyq buzýshylyq týraly» Kodekstiń 572 babynyń 1 tarmaǵy boıynsha ákimshilik jaýapqa tartyp, olardyń bolashaqta halyqaralyq júk tasymalyn jasaıtyń kólikti aıdaýyna tyıym salynýy kerek», - dep esepteıdi odaqtaǵylar.
«Ókinishke qaraı, dál osy ákimshilik quqyq buzýshylyq baby boıynsha júrgizýshiler, shaǵyn, orta jáne iri kásiporyn sýbektileri jaýapqa tartpaı keledi. Bul bap boıynsha shaǵyn kásip ıeleri - on, orta kásip ıeleri – jıyrma, iri kásip ıeleri – elý aılyq eseptik kórsetkish kóleminde aıyppul tóleýi tıis. Quqyq buzýshylardan tólenetin aıyppul búdjetke túspeıdi», - deıdi QazATO prezıdenti Mahsat Saqtaǵanov.
Baspasóz konferensıasyna elimizdiń ózge qalalaryndaǵy halyqaralyq kólik tasymalymen aınalysatyn mamandar da onlaın qatysty. Petropavl qalasyndaǵy "NK-CARGO Ltd" kompanıasynyń dırektory Omarı Harbedıa da jeńilteligen lızıńpen óz elderinde osy kásipti bastaǵandar eshbir salyq tólmeı, bizdiń nanymyzǵa ortaqtasyp otyr dep qynjylady.
«Halyqaralyq tasymaldaýǵa qatysty qazir ǵalamtordy ashyp qalsań, Qytaıdan Mınskige deıin taýardy 5 kúnde jetkizip beremiz degen habarlandyrý kóbeıip ketken. Bir elden ekinshi elge nebári bes kún ishinde jetkizip beremiz deýdiń ózi osy saladaǵy óreskel buzýshylyq», - deıdi ol.
Sebebi, halyqaralyq tasymaldaýda júrgizýshilerdiń jolda demalý qaǵıdalary boıynsha, árbir 400 shaqyrym júrgennen keıin, júk kóligi 4 saǵatqa toqtap, onyń júrgizýshisi 4 saǵat demalýy kerek. Al eger eki júrgizýshi bolsa, 800 shaqyrym júre alady eken. Iaǵnı joǵaryda keltirilgen habarlandyrýdy negizge alsaq, Qytaıdan Mınskige júkti jetkizý úshin keminde 10 kún kerek eken.
QazATO QR Indýstrıa jáne ınfraqurylymdy damytý mınıstrligine 2022 jyldyń 13 jeltoqsanyndaǵy №715 buıryqqa tolyqtyrýlar men ózgertýler engizýdi usyndy. Onda eger «Ákimshilik quqyqbuzýshylyq týraly» Kodekstiń 572- babynyń 1-tarmaǵy buzylǵandyǵy anyqtalsa, otandyq halyqaralyq kólik tasymalyn jasaıtyn tasymaldaýshylardyń lısenzıasyn on eki aıǵa toqtata turý kózdelgen.
