Damyǵan qoǵamdyq kólik qala turǵyndarynyń jaıly ómir súrýiniń, joldaǵy keptelisterdi azaıtý men aýa sapasyn jaqsartý ındıkatorlarynyń biri bolyp tabylady.
Bul týraly máslıhat sesıasynda Almatynyń qalasynyń 2023-2025 jyldarǵa arnalǵan búdjet jobasyn qaraý barysynda Erbolat Dosaev málimdedi, dep habarlaıdy Almaty-akshamy.kz
«Biz osy jyldyń qyrkúıek aıynda bekitken Damý baǵdarlamasynda avtobýs parkin jańartý men ony ekologıalandyrýdy eskere otyryp, qoǵamdyq kólikti damytýǵa basymdyq beriledi.
Osyǵan baılanysty, 2023 jyly biz gazben júretin 300 avtobýs satyp alamyz. Bıyl qarasha aıynda sizder 200 avtobýsqa 14,2 mlrd. teńge qarajat bólýdi qoldadyńyzdar. Sondaı-aq, troleıbýs parkin jańartý jalǵasady – biz 6,4 mlrd. teńgege 100 troleıbýs satyp alýdy kózdep otyrmyz. Osy sharalardyń arqasynda biz qyzmetterdiń sapasyn jaqsartyp, qoǵamdyq kólik qozǵalysynyń ıntervalyn azaıtamyz», - dedi qala ákimi E.Dosaev.
2023 jylǵa qalalyq marshrýttardy sýbsıdıalaýǵa 55,9 mlrd. teńge qarastyrylǵan. Osy 30 marshrýttaǵy avtobýstardy jańartýǵa jáne qosymsha 400 birlikpen nyǵaıtýǵa múmkindik beredi, bul qoǵamdyq kólik qyzmetteriniń sapasyn jaqsartady.
Kelesi jyly metropolıten jelisin batys baǵytqa qaraı salý jalǵasady (Qalqaman stansıasynyń 3-shi keshenin iske qosý), oǵan 12,1 mlrd. teńge kózdeledi. Bul 2024 jyly qalanyń batys bóligindegi 50 myńnan astam turǵyn úshin qosymsha kólik baılanysyn qamtamasyz etedi.
Sondaı-aq, Tóle bı kóshesin uzartyp salý jalǵasady, onyń jalpy somasy 11,7 mlrd. teńge. Jubanov kóshesimen uzartyp salý memlekettik saraptamadan ótýde.
Budan basqa, 2 kólik jolaıryǵyn aıaqtaý josparlanǵan (Buqtyrma – Qulja kúre joly, Saın – Móńke Bı kósheleri), ol úshin 6,2 mlrd. teńge qarastyrylǵan.
Alataý (F. Ońǵarsynova men Móńke bı kósheleriniń qıylysynda) jáne Medeý aýdandarynda (Jetisý bazaryna qarama-qarsy Qulja kúre jolynda) ornalasqan 2 komýnaldyq avtobýs parkin (148 mln. teńge) jobalaý aıaqtalady, olardyń árqaısysynyń qurylysy 8 mlrd. teńgege baǵalanyp otyr.
Kelesi jyly jol ınfraqurylymyna erekshe nazar aýdarylǵan. 200 km jolǵa ortasha jóndeý júrgiziledi, 30 km trotýarlar men 80 ostanovka alańy salynady. Ol úshin 20,8 mlrd. teńge qarastyrylǵan. Nátıjesinde, kelesi jyly jaqsy jáne qanaǵattanarlyq jaǵdaıdaǵy joldardyń úlesi 89%-ke jetedi.
Jalpy, bizdiń megapolıste ozyq standarttarǵa sáıkes kólik ınfraqurylymy jetkilikti damymaǵan. Qala ósip keledi, sondyqtan onyń kólik karkasyn únemi jaqsartyp otyrý qajet. Búdjet jobasynda qala aýdandarynyń arasyndaǵy baılanysty, sondaı-aq Almaty aglomerasıasynyń damýyn eskere otyryp, 2040 jylǵa deıin Almaty qalasynyń kólik karkasyn damytýdyń sheberlik-josparyn ázirleýge 370 mln. teńge kózdelgen.