«Wallking tall» dep atalatyn joba em qabyldaýshynyń qımyl-qozǵalysyn arttyryp, júrisin shıraq etýge múmkindik beredi.
Álemde parkınsonǵa shaldyqqan adamdardyń sany 10 mln-ǵa jýyqtaıdy, dep habarlaıdy Almaty-akshamy.kz.
24.kz málimetterine júginsek, jer júzin jaılaǵan dert egde jastaǵylardy ǵana emes, jetkinshekterdi de óziniń qurbany ete bastady.
Martın Ostrovskıı 7 jyldan beri parkınsonmen kúresip keledi. Asqynǵan aýrý saldarynan sońǵy ýaqytta júrip-turýy báseńdeı túsken.
«Ár kún saıyn ózime qaıta júrip-turýdy úıretemin. Dári aǵzaǵa áser etkende ǵana kóshede deni durys adam retinde kórinýim múmkin. Ózgeler aıyrmashylyqty múldem baıqamas ta edi. Al basqa kezde jaǵdaı tipti bólek, áreń qozǵalamyn. Baǵdarlamany qoldanǵaly jaǵdaıym sál jaqsarǵan syńaıly», - dedi emdelýshi Martın Ostrovkıı.
Avstralıada 200 myńnan astam naýqasta parkınson tirkelgen. Al táýligine 38 adamda dál osy dertke dıagnoz qoıylady. Pasıentterdiń kún sanap artýy avstralıalyq ǵalymdardy beı-jaı qaldyrmady. Ońtústik Ýells ýnıversıtetiniń nevrology Metú Brodı naýqastardyń júrý qabiletin jaqsartýǵa kómekshi baǵdarlama oılap tapty.
«Baǵdarlamanyń eń negizgi fýnksıasy – metronomnyń rıtmin qalyptastyrady. Metronom qozǵalys pen júristi daýystap aıtyp turatyn qural. Ol neırondardy belsendi etip, júrý qabiletin arttyrýǵa múmkindik beredi», - dedi ǵalym Metú Brodı.
Qosymshany qoldanýshylar júrý ýaqyty men qarqynyn belgilep baryp, qozǵalysqa kirisedi. Olar osy kúni aptalyq jattyǵýdyń 150 mınýtyn belsendi oryndap, jobanyń ıgiligin sezinýde. Jetisine eki shaqyrym ǵana serýendeıtin Ostrovskıı qosymshany qoldanǵaly 30 kılometrdi baǵyndyryp úlgergen.
Qosymsha ınsýlt, tize-jambas jaraqatyn alǵan naýqastardyń da kádesine jaraıdy. Tamyz aıynda iske qosylǵaly beri 10 myńǵa jýyq paıdalanýshy tirkelip úlgergen. Al qoldaný aqysyz ári álem boıynsha qoljetimdi.