Qutqarý operasıasy sátti ótti
Tikushaqtyń kókke kóterilýine qatty aıaz qıyndyq týǵyzdy. Soǵan qaramastan «Qazáýequtqarý» ushqyshtary men USHMÚO dárigerleri sábıdi Óskemendegi Ana men bala ortalyǵyna aman-esen jetkizdi, dep habarlaıdy Almaty-akshamy.kz.
«Qazáýequtqarý» mekemesine Ulttyq shuǵyl medısınany úılestirý ortalyǵynan 2 qańtarda shaqyrtý kelip tústi.
Tarbaǵataı aýdany Aqjar aýylyndaǵy aýyr haldegi jańa týǵan náresteni shuǵyl tasymaldaý qajet boldy.
Shaqyrtý boıynsha Mı-8 tikushaǵy dereý kókke kóterildi. Bortta komandır Aǵlambekov Rýslan, Kenjeǵalıev Májıt sıaqty tájirıbeli ushqyshtar, Qazaqpaev Áýelbek, Jumabaev Perdebek, Bekjanov Sáken syndy avıasıalyq qyzmetkerler, sondaı-aq USHMÚO dárigerleri, oblystyń bas neonatology Qýanyshpaev Asqat jáne feldsher Asaýbaev Bek boldy.
«Qutqarýshylar balany SHQO Tarbaǵataı aýdany Aqjar aýylynan Óskemenge shuǵyl jetkizdi. Qazirgi ýaqytta jańa týǵan shaqalaq Ana men bala ortalyǵy dárigerleriniń baqylaýynda»,-deıdi «Qazáýequtqarý» mekemesiniń baspasóz hatshysy Almaz Ǵabdýllın.
Tikushaqtyń kókke kóterilýine qatty aıaz qıyndyq týǵyzdy. Úılesimdi is-qımyldardyń arqasynda qutqarý operasıasy sátti ótti.