7 altyn, 2 kúmis jáne 1 qola
Albanıada ótken aýyr atletıkadan jasóspirimder arasyndaǵy álem chempıonatynda qazaqstandyq sportshylar 7 altyn, 2 kúmis jáne 1 qola medal jeńip aldy. Osylaısha, Qazaqstan quramasy medaldardyń jalpy sany boıynsha I orynǵa ıe boldy, dep habarlaıdy Almaty-akshamy.kz.
Altyn medaldardy 73 kelige deıingi salmaqta óner kórsetken Erasyl Sáýlebekov pen 102 kelige deıingi salmaqta Nıkıta Ábdirahmanov jeńip aldy. Eki sportshymyz da julqa jáne serpe kóterý qorytyndysy boıynsha úzdik nátıje kórsetti.
Nurdos Sabyr (89 kelige deıin) men Taısıa Alekseeva (64 kelige deıin) kúmis júldeger atandy.
"Sportshylarymyzdy jáne barlyq qazaqstandyq jankúıerlerdi osynaý jetistikpen quttyqtaımyn. Bizdiń jas aýyr atletterge bolashaqta da tolaǵaı tabystar men jarqyn jeńister tileımin. Jattyqtyrýshylarǵa da erekshe alǵys aıtamyn. Sebebi olardyń eńbeginiń arqasynda otandyq aýyr atletıka mektebi Qazaqstandy jańa chempıondardyń esimderimen álemge tanytyp jatyr", - dep jazdy Mádenıet jáne sport mınıstri Asqat Oralov Facebook-tegi paraqshasynda.