Aýyr atlet keshe óz-ózine qol jumsaǵan edi
Qazaqstan chempıony Vladımır Sedovtyń qazasyna oraı aýyr atletıka federasıasy marqumnyń otbasyna 5 mln teńge kómek beriletinin málimdedi, dep habarlaıdy Almaty-akshamy.kz.
Vladımır Sedov - Qazaqstan Respýblıkasynyń eńbek sińirgen sport sheberi, halyqaralyq dárejedegi sport sheberi, Qazaqstannyń birneshe dúrkin chempıony jáne rekordshysy, dep jazdy Azattyq Rýhy.
«Ol bala kezinen qazaqstandyq sportqa berilgen. 2008 jylǵy olımpıadada 84 kelige deıingi sanatta tórtinshi oryn ıelendi. Úzdik jetistikteri úshin «Qurmet» ordenimen marapattalǵan», - delingen federasıa málimdemesinde.
Vladımır Sedov 35 jasta edi.
«QR Aýyr atletıka federasıasy Vladımır Sedovtyń otbasyna bes mıllıon teńge kóleminde kómek kórsetedi, sondaı-aq ulyn tárbıeleýde qajetti qoldaý jasaıdy», - delingen habarlamada.
Federasıa sport ardagerlerin qoldaý jónindegi baǵdarlama ázirlemek. Osylaısha muqtaj aýyr atletterge qajetti kómek kórsetiledi. Bıyl osy baǵdarlama boıynsha sportshylar men jattyqtyrýshylardy qoldaýǵa demeýshilik qarajat esebinen 10 mıllıon teńge bólinedi.
Eske sala keteıik, 27 maýsymda aýyr atlet Vladımır Sedovtyń aýyldaǵy óz úıinen óli kúıinde tabylǵan edi.