Oǵan qosa 8 jylǵa sporttan shettetildi
Sport arbıtraj soty (CAS) qazaqstandyq aýyr atlet Nıjat Rahımovty dopıngke qarsy talaptardy buzǵany úshin 8 jylǵa sporttan shettetti, dep habarlaıdy Almaty-akshamy.kz QazAqparatqa silteme jasap.
Sports.kz resýrsynyń málimetinshe, 2021 jyldyń qańtarynda Halyqaralyq dopıng test agenttigi Rahımovqa dopıng qoldandy dep aıyp taǵyp, ýaqytsha jarysqa qatysýyna tyıym salǵan edi.
Sportshy bul sheshimmen kelispeı, arbıtraj sotynyń dopıngke qarsy bólimshesine júgindi.
Sot aýyr atletti tórt zár úlgisin aýystyrdy dep tanydy. Bul - IWF antıdopıng erejelerin óreskel buzý bolyp sanalady.
Nıjat Rahımovtyń 2016 jyldan 2021 jylǵa deıingi jarystarda jetken búkil kórsetkishteri joıyldy.
Qazaqstandyq aýyr atlet 2016 jyly Rıo de Janeıroda ótken Olımpıadada jeńip alǵan altyn medalinen aıyryldy.
Altyn medal qytaılyq Lúı Sáoszúnge beriledi.