Ereje 2024 jyldyń 15 qańtarynan bastap kúshine enedi
Memleket basshysynyń aýyldyq jerde óz jumyskerlerine baspana salýǵa jumys berýshilerdiń shyǵynyn óteý týraly tapsyrmasyn oryndaý maqsatynda Ónerkásip jáne qurylys mınıstrligi sýbsıdıanyń tıisti qaǵıdasyn ázirlep, bekitti, dep habarlaıdy almaty-akshamy.kz.
Bekitilgen erejege sáıkes aýylda, kentte nemese aýyldyq okrýgte jalǵa beriletin turǵyn úı salǵan jumys berýshiler 5 mıllıon teńgege deıingi mólsherde memlekettik sýbsıdıa ala alady.
Bul 75-ten 100 sharshy metrge deıingi turǵyn úı qurylysynyń shyǵynyn jabady.
Sýbsıdıa alý úshin jumys berýshiler qyzmetkermen 5 jylǵa eńbek shartyn jasasýy, sondaı-aq paıdalanýǵa berilgen turǵyn úıge aýyrtpalyqtardyń bolmaýyn qamtamasyz etýi qajet.
Bul rette aýmaǵynda jumys berýshiler turǵyn úı salýdy josparlaıtyn aýyldardyń, kentterdiń, aýyldyq okrýgterdiń tizimderin jergilikti atqarýshy organdar aıqyndaıdy jáne bekitedi.
Aýdan ortalyqtarynyń jáne oblys ortalyqtary, mono jáne shaǵyn qalalary bar nemese aglomerasıalardyń, fýnksıonaldyq qalalyq aýdandardyń quramyna kiretin 30 kılometrge deıingi jaqyn ornalasqan aýyldyq okrýgterdiń tizimderine, aýyldaryna, kentterine, aýyldyq okrýgterine engizýge jatpaıdy.
Bekitilgen ereje 15 qańtardan bastap, alǵashqy resmı jarıalanǵan kúninen bastap kúntizbelik on kúnnen keıin kúshine enedi.