Bul platforma 2022 jyldyń jazynda iske qosylady.
«Jer ınspektorynyń kabıneti» jasaldy, ol ár jerden alynǵan derekterdi taldap, jer ýchaskesin utymsyz paıdalaný belgilerin anyqtaýǵa jáne osyndaı faktilerge jedel jaýap qaıtarýǵa múmkindik beredi, dep habarlaıdy Almaty-akshamy.kz QR Úkimetiniń telegram kanalyna silteme jasap.
QR Premer-Mınıstri Álıhan Smaıylov jer qatynastaryn sıfrlandyrý máseleleri boıynsha keńes ótkizdi, onda aýyl sharýashylyǵy jerlerin paıdalanýdyń ǵaryshtyq monıtorıńi jáne olardy sıfrlandyrý máseleleri qaraldy.
Baıandama jasaǵan aýyl sharýashylyǵy mınıstri Erbol Qarashókeev qazir «Qazaqstan Ǵarysh Sapary» UK» AQ bazasynda aýyl sharýashylyǵy jerlerine ǵaryshtyq monıtorıń jasaýdyń jetildirilgen nusqasyn engizý pysyqtalyp jatqanyn habarlady.
«Jer ınspektorynyń kabıneti» jasaldy, ol ár jerden alynǵan derekterdi taldap, jer ýchaskesin utymsyz paıdalaný belgilerin anyqtaýǵa jáne osyndaı faktilerge jedel jaýap qaıtarýǵa múmkindik beredi. Bul platforma 2022 jyldyń jazynda iske qosylady.
Memlekettik baqylaý ádisteriniń pysyqtalýyn eskere otyryp, bıyl memleketke qaıtarylǵan paıdalanylmaıtyn aýyl sharýashylyǵy jerleriniń aýdanyn ótken jylmen salystyrǵanda 4 esege ulǵaıtý josparlanýda: 2021 jyly 1,3 mln ga qaıtaryldy, 2022 jyly keminde 5 mln ga qaıtarý josparda bar. Sonymen qatar mınıstr aýyl sharýashylyǵy jerleriniń barlyǵyn sıfrlandyrý aıaqtalǵannan keıin ǵaryshtyq monıtorıńtiń tıimdiligi jaqsaratynyn atap ótti. Bul prosesti 2024 jyly aıaqtaý josparlanyp otyr.
Premer-Mınıstr aıtylǵan tásilderdi qoldap, osy baǵyttaǵy jumysty jedeldetýdi tapsyrdy.