Aýyl sharýashylyǵy mınıstrligi aýyl sharýashylyǵy janýarlarynyń sanyn naqtylaý maqsatynda «Aýyl sharýashylyǵy janýarlaryn sáıkestendirý» aqparattyq júıesindegi málimetterdi túzetý boıynsha júıeli jumysyn jalǵastyrýda.
Bul júıede maldy tirkeý, qaıta tirkeý, esepten shyǵarý jáne oryn aýystyrý rásimderi júrgiziledi, dep habarlaıdy aqshamnews.kz.
Derekter bazasyn tehnıkalyq jetildirý aıasynda kelesi formattyq-logıkalyq baqylaý fýnksıalary engizildi:
«Tóldeý» sebebi boıynsha İQM tirkeý: buzaýdy mindetti túrde analyq maldyń JSN-men baılanystyrý engizildi. Bul janýardyń shyǵý tegin naqty esepke alýdy qamtamasyz etip, derekter engizý kezinde qatelikterdi boldyrmaıdy.
«Jeke tutyný úshin soıyldy» sebebi boıynsha esepten shyǵarý: rásimderdi keshiktirip oryndaǵan jaǵdaıda aıyppul salý tetigi iske qosyldy. Bul janýarlardyń negizsiz esepte turýyn boldyrmaı, ýaqtyly esepten shyǵarýdy qamtamasyz etedi.
Satyp alý-satý rásimderi: menshik quqyǵyn berý fýnksıasy jańartyldy. Bul mámilelerdi rásimdeý dáldigin arttyryp, «anyqtalmaǵan» maldyń jınaqtalýyna jol bermeıdi.
Vaksınasıa kezinde shekteýler: vaksınanyń qoldanylý kezeńinde keıbir operasıalardy júrgizýge tyıym salyndy. Bul jalǵan mámilelerdi boldyrmaı, veterınarıalyq talaptardyń saqtalýyn qamtamasyz etedi.
Soıýdan keıingi etti saqtaý fýnksıasy: etti uzaq merzimge saqtaý úshin jóneltýdi tirkeý múmkindigi engizildi. Bul saraptama aktilerin qoldaný arqyly ashyqtyqty jáne baqylaýdy arttyrady.
Bul baǵyttaǵy jumystar jalǵasýda.