Búgin Astanada «Aýyl» halyqtyq-demokratıalyq patrıottyq partıasynyń kezekten tys XXIII sezi ótti, oǵan partıanyń barlyq jıyrma óńirlik fılıaldarynan delegattar qatysty, dep habarlaıdy almaty-akshamy.kz.
Sıeze qaralǵan basty suraq jańa tóraǵany saılaý boldy
«Parlament Májilisindegi «Aýyl» saıası fraksıasynyń partıamyzdyń saılaýaldy baǵdarlamasyn iske asyrý, sondaı-aq Memleket basshysynyń depýtattar aldyna qoıǵan mindetterin oryndaý jónindegi jumysyn jandandyrý qajet, osyny eskere otyryp, Májilistiń saılanǵan depýtattary arasynan partıanyń jańa kóshbasshysy bolýy tıis dep sanaımyn», - dedi Álı Bektaev.
Al ózi QR Parlamenti Senatyndaǵy jumysyna negizgi kóńil bóletinin jetkizdi
Partıanyń jańa tóraǵasy bolyp QR Parlamenti Májilisiniń depýtaty Serik Egizbaev saılandy.
Serik Egizbaev 1963 jyly Batys Qazaqstan oblysynda dúnıege kelgen, aýyl sharýashylyǵy salasynda jáne memlekettik basqarý organdarynda praktıkalyq tájirıbesi bar.
«Aýyl» partıasy bıylǵy saılaý qorytyndysy boıynsha Parlament Májilisinde 8 depýtattyq mandatqa ıe bolǵan eldegi eń iri saıası kúshteriniń biri ekendigin atap ótken jón