Aqmola oblysynyń Zerendi aýylynda «Aýyl» partıasynyń kezekti HHİV sezi ótti.
«Aýyl» partıasy - eldegi bedeldi jáne yqpaldy qoǵamdyq-saıası kúsh. Aýyl turǵyndarynyń, aýyl eńbekkerleriniń, aýyl men aýyl sharýashylyǵynyń múddelerin qorǵaý - «Aýyl» partıasynyń basymdylyǵy. «Aýyl» partıasy Zerendi aýylyn sezge qatysýshylar nazaryn aýylǵa aýdarý úshin ádeıi tańdady, dep habarlaıdy Almaty-akshamy.kz
Májilistegi «Aýyl» partıasynyń depýtattyq fraksıasy partıanyń saılaýaldy baǵdarlamasyn iske asyrý maqsatynda óńirlerdi aralady. Halyq pikirin tyńdaı kele, «Aýyl» depýtattyq fraksıasy saılaýaldy baǵdarlamasynyń negizgi mindetteri bolǵan «Agrarlyq bank týraly» jáne «Azyq-túlik qaýipsizdigi týraly» 2 zań jobasyna bastamashylyq jasap, ázirledi. Atalǵan zań jobalaryn Senat pen Májilis depýtattarynyń 60% astamy qoldady. Bul baǵyttaǵy jumystar quzyrly memlekettik organdarmen jalǵasyn tabady.
Fraksıa depýtattary agroónerkásiptik keshen men aýyl aımaqtyń mańyzdy aspektilerin qozǵaǵan túrli zań jobasy boıynsha 250-ten astam túzetý daıyndap, 61 depýtattyq saýal joldady. Májilistiń plenarlyq otyrysynda zań jobalaryn qabyldaý barysynda júzdegen saýal qoıdy.
Aýyl-aımaqtarda da «Aýyl» partıasynan saılanǵan depýtattar aýqymdy jumystar atqarýda. Aqmola oblystyq máslıhatynyń depýtaty Anar Aıapbergenovanyń saýaly boıynsha Jarqaıyń aýdany Birsýat aýylynda mektep qurylysy bastaldy, depýtat Ómirjan Nuraıdyń saýaly boıynsha Selınograd aýdany Aqmol aýylynda mádenıet úıin salý máselesi aglomerasıany damytýdyń Bas josparyna engizildi, aýdandyq máslıhat depýtaty Evgenıı Ryjkovtyń saýaly boıynsha shalǵaıdaǵy aýyldardan balalardy Ýálıhanov aýylynyń mektebine tasý úshin «Gazel» shaǵyn avtobýsy satyp alyndy.
Sıez jumysyna «Aýyl» partıasynyń Tóraǵasy, Májilis depýtaty Serik Egizbaev, Aqmola oblysynyń ákimi Marat Ahmetjanov, QR Premer-Mınıstriniń keńesshisi Eraly Toǵjanov, QR Sý resýrstary jáne ırregasıa vıse-mınıstri Bolat Beknıaz, QR Aýylsharýashylyǵy vıse-mınıstri Erbol Tasjúrekov, Májilistegi «Aýyl» partıasynyń fraksıa depýtattary, barlyq 20 óńirden delegattar men «Aýyl» partıasy atynan saılanǵan depýtattar saıası partıalardyń jáne qoǵamdyq uıymdardyń ókilderi, ortalyq jáne jergilikti memlekettik organdardyń, qoǵamdyq birlestikterdiń basshylary men qoǵamdyq pikir kóshbasshylary qatysty.
Jıyn basynda sóz alǵan QR Premer-Mınıstriniń keńesshisi E.Toǵjanov «Eldiń bolashaǵy – munaı emes, aýyl» deı kele, «Sý tasqyny saldaryn joıýda sizderdeı jarqyrap alǵa shyqqan, jastar qurylys jasaǵyn túzip, sapqa turǵyzǵan eshkim joq», - dep nyqtady.
Sıeziń basty jańalyǵy – partıaǵa tolyq rebrendıng jasaldy, partıa ataýy men logotıpi ózgerdi. Budan bylaı qysqa ǵana «Aýyl» partıasy dep atalady. Partıa logotıpi retinde qazaq úshin «Otan» atty kıeli uǵymnyń balamasy – kıiz úı tańdaldy.
Ózgerister týraly «Aýyl» partıasynyń Tóraǵasy, QR Parlamenti Májilisiniń depýtaty S.Egizbaev «Qazirgi kezeń – mınımalızm kezeńi. «Aýyl» partıasy degen qalyptasqan saıası brend. Sondyqtan, Saıası keńes Prezıdıýmy tarapynan partıamyzdyń ataýynan «Halyqtyq-demokratıalyq patrıottyq» degen tirkesti alyp tastap, «Aýyl» partıasy dep ataý usynyldy. Yqsham, qarapaıym, naqty jáne aıqyn kompozısıada sıpattalalǵan partıa logotıpi de mınımalızm stılinde daıyndalǵan»,- dep túsindirdi.
Sondaı-aq, sıez barysynda «Aýyl» partıasynyń demokratıalyq sentrızmdi qalyptastyrýdy negizge alǵan jańa redaksıadaǵy Jarǵysy qabyldandy. Partıanyń mısıasy men qundylyqtary aıqyndalǵan Saıası baǵdarlama bekitildi.
Saıası baǵdarlamada otandyq zeınetaqy júıesin reformalaý, «Aýyldan dıplom úshin!» jobasyn, aýyldyq jerlerde jumys istegisi keletin jas mamandar úshin jekeshelendirý quqymen turǵyn úı qurylysy baǵdarlamasyn iske qosý jáne t.b. tárizdi qoǵamdyq ómirdiń túrli salasyndaǵy ózekti máseleler qastylǵan.
Sıez jumysy aıasynda «Aýyl» partıasynyń Saılaýaldy baǵdarlamasyn júzege asyrý sharalary men tetikteri týraly pikir almasý boldy. Sondaı-aq, partıanyń Saıası keńesi men Revızıalyq komısıasynyń esebi tyńdalyp, aldaǵy orta merzimdi perspektıvaǵa arnalǵan mindetter belgilenip, basqarýshy organdar saılaýy ótkizildi.