Oqý-aǵartý mınıstrligi «100 jańa esim – 100 novyh lıs» aıdarynda ózgelerge úlgi bolarlyq jáne bilim berýge jańa serpin beretin tulǵalar jaıly baıandaıdy.
Bul joly vedomstvo Abaı oblysy Aıagóz aýdanynyń qazaq mektep-lıseıinde oqıtyn 5-synyp oqýshylary: Ersultan Jumataı, Ámirhan Sapıev pen Ákejan Berikqazy. Olar sý arnalaryndaǵy qoqysty avtomatty túrde tazartatyn erekshe robot jasap shyqqan, dep habarlaıdy aqshamnews.kz.
Jobanyń negizgi maqsaty — sý arnalarynda qoqystardyń jınalýynyń aldyn alý. Oqýshylar ekologıa, ınjenerıa jáne robototehnıka sabaqtarynda alǵan bilimderi boıynsha qurastyrǵan.
«Jalyn» dep atalǵan robot turmystyq qaldyqtar men japyraqtardy jınaı otyryp, arnalardyń taza bolýyn jáne sýdyń kedergisiz aǵýyn qamtamasyz etedi.
Ideıadan bastap iske asyrýǵa deıingi barlyq kezeńderdi oqýshylar ózderi oryndap, mehanıkalyq tazartý qaǵıdalaryn jáne baǵdarlamalaýdyń negizderin zerttegen.
«Bizge bul ıdeıa Prezıdentimizdiń «Taza Qazaqstan» bastamasynyń arqasynda keldi. Robotymyz týǵan aýylymyzda tazalyqty saqtaýǵa kómektesse deımiz. Al bolashaqta qoqysty jınap qana qoımaı, ony suryptaı alatyn mını-robot jasaýdy josparlap otyrmyz», — deıdi oqýshylar.
Aıta keteıik, joba 2024 jylǵy FIRST Championship aımaqtyq kezeńinde joǵary baǵalanyp, úzdik ondyqqa enip, áleýmettik máselelerdi sheshýge qosqan úlesi, jańashyldyǵy men komandalyq jumysy úshin Core Values Winner nomınasıasynda marapatqa ıe boldy.