2025 jylǵa qaraı «Aýyl – el besigi» jobasy aıasynda aýyldyq jerlerdegi 315 jańa mektep salynady. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy almaty-akshamy.kz
«Bilim berýdiń sapasy men qoljetimdiligin arttyrý aıasynda aýyldyq jerlerde 5 myń mektepti jańǵyrtý jáne 315 jańa mektep salý josparlanýda. Mektepke deıingi tárbıemen jáne oqytýmen 3 jastan 6 jasqa deıingi balalar 100 paıyz qamtylatyn bolady», - dedi Áset Erǵalıev.
Onyń atap ótýinshe, barlyq aýyl mektepter bilikti pedagogtarmen qamtamasyz etiledi.
«1 095 nysan salý jáne jańǵyrtý aýyldyq jerlerde densaýlyq saqtaý júıesi qyzmetteriniń sapasy men qoljetimdiligin arttyrýǵa múmkindik beredi. Aýylda sportpen aınalysý jáne shyǵarmashylyqty damytý úshin jaǵdaı jasaý maqsatynda 1 719 sport jáne 1,5 myń mádenıet nysany salynyp, jańǵyrtylatyn bolady», - dedi mınıstr.