Bul týraly Ulttyq ekonomıka mınıstri Álibek Qýantyrov málimdedi.
Bıyl 736 aýylda 143 mlrd teńgeniń 1,5 myń jobasy iske asyrylady, dep habarlaıdy Almaty-akshamy.kz
Mınıstrdiń aıtýynsha, qazir respýblıkada 6 293 aýyldyq eldi meken bar, onda 7,8 mln jýyq adam turady. «Aýyl – el besigi» jobasyn iske asyrý úshin eldegi aýyldardyń jalpy sanynan damý áleýeti joǵary, aýyl turǵyndarynyń 90% qamtylǵan 3,5 myń aýyl irikteldi. Eldi mekenderdi damytý úshin 2019-2022 jyldary respýblıkalyq búdjetten 326 mlrd teńge bólinip, 3,7 myń joba iske asyryldy.
«2023 jyly mınıstrlik oblys ákimdikterimen birlesip 736 aýyldyq eldi mekende 143 mlrd teńge somasyna 1,5 myń jobany iske asyrýdy josparlap otyr. Onyń ishinde 102 mlrd teńgesi jalpy sıpattaǵy transfertterde eseptelip jergilikti búdjetterdiń shyǵystar bazasyna berildi», - dedi mınıstr.
Aıtýynsha, bul turǵyn úı-kommýnaldyq sharýashylyq salasyndaǵy 119 jobany, áleýmettik ınfraqurylymnyń 275 jobasyn, onyń ishinde 91 bilim berý, 45 densaýlyq saqtaý, 139 mádenıet jáne sport salasyndaǵy jobalardy iske asyrýǵa jáne aýylishilik joldardy jaqsartýǵa baǵyttalǵan 1,1 myń jobany oryndaýǵa múmkindik beredi.
Qazirgi tańda sapalyq kórsetkishter engizilip, óńirlik standarttar júıesiniń jańa formaty ázirlendi.
Sonymen qatar, Prezıdenttiń jarlyǵyna sáıkes, qazirgi ýaqytta Ulttyq ekonomıka mınıstrligi Aýyldyq aýmaqtardy damytýdyń 2023-2027 jyldarǵa arnalǵan tujyrymdamasynyń jobasyn ázirledi.
Tujyrymdamanyń negizgi maqsaty – ınstıtýsıonaldyq qamtamasyz etýdi ilgeriletý arqyly aýyldyq aýmaqtardy damytý tásilderiniń tıimdiligin arttyrý, sondaı-aq aýyl halqynyń ómir súrý sapasyn joǵarylatý jáne jaıly ómir súrý ortasyn qurý.
Tujyrymdama mynadaı tásilderden turady: aýyldyń ınstıtýsıonaldyq damýyn qamtamasyz etý, áleýmettik, ınjenerlik jáne kólik ınfraqurylymyn qarqyndy damytý.
Sondaı-aq agroónerkásip keshenin, kásipkerlikti, aýyl sharýashylyǵy kooperasıasyn damytý arqyly aýyl halqynyń tabys deńgeıin arttyrý kózdelgen.
«Aýyl – el besigi» jobasyn iske asyrý ulttyq ekonomıka mınıstrliginiń turaqty baqylaýynda», - dedi Qýantyrov.