Aýǵanstannan kelgen stýdent qyzdar Almatydaǵy jańa jyldyq konsertke joǵary baǵa berdi
Qazirgi ýaqytta Almatydaǵy Astana alańynda ótip jatqan megapolıstiń ortalyq merekelik shoýyna Aýǵanstannan kelgen qonaqtar da qatysyp jatyr. Olar is-sharanyń joǵary deńgeıde uıymdastyrylǵanyn aıtyp, erekshe áser alǵanyn jetkizdi.
— Bezendirýden bastap konserttik baǵdarlamaǵa deıin barlyǵy jan-jaqty oılastyrylǵan. Uıymdastyrýshylardyń tyńǵylyqty daıyndalǵany baıqalady. Óte zamanaýı ári jastarǵa qyzyqty, — dedi almatylyq joǵary oqý oryndarynyń birinde bilim alyp júrgen stýdent Zohra Pardis.
Aýǵanstannan kelgen taǵy bir qonaq Sama Hamid-tiń aıtýynsha, olar qazaqstandyq ónerpazdardyń ónerin alǵash ret tamashalaǵan.
— Biz kóp sýretke túsip, beınejazba jasadyq. Barlyǵy óte unap jatyr, — dedi ol.