Almatyda jańa jyl túni qalalyq qyzmet kúsheıtilgen rejımde jumys istep jatyr
Jańa jyl qarsańynda jáne mereke kúnderi Almaty qalasynyń qalalyq qyzmeti kúsheıtilgen jumys rejımine kóshti. Turǵyndardyń kóbi bul kúnderdi jaqyndarymen birge ótkizgenimen, myńdaǵan maman qalanyń qaýipsiz, taza ári jyly bolýyn qamtamasyz etý úshin táýlik boıy qyzmet atqaryp jatyr.
Qoǵamdyq tártipti saqtaý jáne adamdar kóp jınalatyn oryndarda jedel áreket etý maqsatynda patrúldeý kúsheıtildi. Quqyq buzýshylyqtardyń aldyn alýǵa, sondaı-aq, balalar men kámeletke tolmaǵandardyń qaýipsizdigine erekshe nazar aýdarylyp otyr. Sonymen qatar, jedel áreket etý qyzmetteri, medısına brıgadalary, komýnaldyq jáne apattyq qyzmetter táýlik boıy úzdiksiz jumys isteýde.
Jańa jyldy jumys ornynda qarsy alyp, mereke kúnderi eńbek etip júrgen barsha mamanǵa alǵys bildiremiz. Qashyqta bolsa da, jaqyndaryńyzdyń eń jyly lebizi janyńyzdan tabylsyn. Jańa jyl qutty bolsyn!