Olardyń keıbireýleri qazaq tilinde sóıleı almaıdy.
QR SİM-niń resmı ókili Aýǵanstanda ózderin qazaqpyz deıtin basqa ult ókilderiniń kóbeıgenin aıtty, dep habarlaıdy Almaty-akshamy.kz
«Sońǵy kúnderi Qazaqstannyń Aýǵanstandaǵy elshiligine ózderin qazaqpyz dep tanystyratyn azamattardyń júginýi jıilep ketti. İs júzinde olardyń eshqandaı dálelderi joq. Olardyń keıbireýleri qazaq tilinde sóıleı almaıdy. Sondaı-aq ata-babalarynyń Aýǵanstan aýmaǵyna qonys aýdarý tarıhymen, rý-taıpalyq baılanystary týraly da aıta almaıdy. Biz etnıkalyq qazaqtardyń tarıhı otanyna oralýyna kómek kórsetý týraly barlyq ótinishterge muqıat tekserý jumystaryn júrgizemiz. Ol bir kúndik jumys emes sondyqtan ýaqyt talap etedi», - deıdi Aıbek Smadıarov.
Qazir Aýǵanstan aýmaǵynda 15-ke jýyq etnıkalyq qazaq otbasy turyp jatyr.
«Aýǵanstanda qalyp qoıǵan qazaqstandyqtar elge qaıtqysy kelse, Kabýldaǵy bizdiń elshilikke habarlassyn. Sol jerde tıisti sharalar qabyldanady. Elge oralǵysy kelgen otandastarymyzǵa kómek kórsetýge ázirmiz. Sol úshin de Aýǵanstandaǵy Qazaqstan elshiligi tarapynan arnaıy komısıa quryldy», - dedi mınıstrlik ókili.