Ulttyq ulannyń «Ońtústik» óńirlik qolbasshylyǵyna qarasty áskerı bólimderde Keńes áskeriniń Aýǵan jerinen shyǵarylǵanyna 34 jyl tolýyna oraı aýǵan soǵysynyń ardagerlerimen kezdesý keshteri ótti.
Áskerı bólimderdegi sarbazdarmen kezdesý keshin ótkizgen ınternasıonalıs-jaýyngerler, atap aıtqanda Gennadıı Dmıtrıevıch, Aleksandr Aleksandrovıch, Egizbaı Botataıuly, Aleksandr Nıkolaevıch jáne Qalybek Amangeldiuly aýǵan soǵysyndaǵy estelikterinen bastap, İshki ásker men Ulttyq ulandaǵy qyzmet joldarynan biraz áńgime tarqatty. Aǵa býyn jaýyngerlerdiń áńgimesinen áserlenip shyqqan jas jaýyngerlerdiń kózinen erekshe ushqyn baıqaldy. Bul – uıymastyrylǵan is-sharanyń maqsaty oryndaldy degen sóz. Internasıonal-jaýyngerdiń sózi jas býynnyń sanasyna oı saldy, júregine jetti. Basty maqsat ta sol edi.
Kezdesý barysynda sarbazdar ózderin qyzyqtyrǵan suraqtaryn qoıyp, tushshymdy jaýaptar aldy. Ardagerler óz oılarymen bólisip qana qoımaı, jaýyngerlerge beıbit ómirdi saqtaýǵa, túrli arandatýshylyqqa boı aldyrmaýǵa, Otandy qorǵaý isinde adaltyq tanytýǵa shaqyrdy. Olardyń árbir sózi, árbir is-áreketi – keıingi urpaqqa úlgi. Aldy egde tarta bastaǵan, sońy jigit aǵasy bolyp qalǵan aýǵan soǵysynyń ardagerleri bólim basshylyǵy tarapynan alǵys hatpen marapattaldy.